MÉMOIRE RELATIF A L'INSURRECTION DE BOURGES

C’est ce qui semble estre encores à faire par les commussaires touchant la charge qu’ils ont du roy.

Premièrement. Informer de l'assemblée faicte contre Gilles Millon oultre ce qui en est fait par les autres informations et se les cinq prisonniers ou autres en sont consentanz et quelz.

It., faire le maire et les eschevins ainsi que ledit seigneur la dernièrement mandé par maistre Jehan du Caurel.

It., faire le prevost et des sergens.

It., envoyer Moranvillier et ceulx de la Justice à qui il parla.

It., faire Gaunay lieutenant.

It., luy faire exposer au peuple les articles apportez par ledit maistre Jehan du Caurel.

It., mener les cinq prisonniers à Montargis ainsi que le Roy le mande.

It., advertir le roy que len se meurt à Montargis et savoir sil luy plaist lesdits prisonniers estre mis ailleurs comme à Meleun et Corbueil pour la seureté des personnes.

It., faire faire le serment auxdits maire et eschevins tels que le Roy le mande et ledit serment mectre par escript et remectre a Nycolle de Vauy.

It., abolir et casser les autres previlleiges touchant les quatre.

It., donner ordre sur le fait du barraige.

It., faire adjorner tous ceulx qui hont este de la mauvayse oppinion.

It., demander Jehan Bureau pour veoir les inventaires et prisées des meubles et immeubles des banniz et executez avecques les ventes, et veoir quelle diligence ils ont fete de savoir des biens et recettes de ladite ville.

Et aussi de careuler ce qui ÿ sera et enjoindre de fere diligence de ce quil restera.

I£., de recouvrer les exploiz et relacions de ceulx qui ont esté bannyz.

(Bibl. Nat., Ms. fr., n° 2912, f° 29.)