NÉGOCIATIONS RELATIVES A LA MAIRIE D'ANGERS
Pour la responce des articles baillée par noz seigneurs de Maigny, cappitaine du chasteau d’Angiers et du Plesseis Bourré, conseiller du roy nostre sire, et trésorier de France, comnussaires touchant la mairie d'Angers [1484].
Semble a ceulx de la dicte mairie, quant aux premier, Il°, IIIe, IVe et V® articles, deppendans lun de lautre, que pour unyret modiffier es nombre des diz de la mairie au nombre contenu es privilleges de Tours, il doit y avoir vingt quatre eschevins conseillers, les procureurs et clercs avecques le maire et quatre sergens. Et que, quant ce sera le plaisir de nos diz seigneurs de ainsi le faire, ce sera le bien, proufit et utillité de la dicte ville.
Et il semble a nos diz seigneurs les commissaires quil soit bon de prandre les gens de bien, soit de praticque ou autres quilz verront estre à faire pour estre du nombre des diz XXIIII eschevins de la dicte mairie, soit par eulx remis le nombre des diz XXIIII eschevins à XVIII. Lesquelx XVII nos diz seigneurs les commissaires prandront et esliront sur le nombre total des gens estans a present de la dicte mairie, et sans faire mutacion des diz procureur et clerc.
Item, et pour nommez les six qui ne sont point de la dicte mairie, semble aus diz de la mairie que sile plaisir de nos dis seigneurs est y mectre nosseigneurs maistres Bertran du Vau esleu Mathurin Depnice, René Manuel, Jehan Preau, Jehan Bernart esleu et Jehan Loheac quilz sont gens pour bien servir ala chose publicque, et, pour leur part, les eslisant et nommement lesdis de la mairie.
Item, et en ce faisant, pour ce que le nombre de ceulx de la dicte mairie seroit diminué, soit le bon plaisir de nosdis seigneurs que touz ceulx quiseront delaissés et ne seront point du nombre desdis XVIII eschevins soient et demeurent, leurs vies durant, francs et exemps selon le contenu du privillege, tout ainsi que ceulx qui demourronten la dicte mairie.
Item et au regart des sergens et gaiges des officiers de la dicte
mairie, contenuz es dis articles, de les augmenter ou diminuer, ilz sen rapportent ad ce que par nos dis seigneurs en sera ordonné.
Item et en oultre plaise a nos dis seigneurs que les XXII eschevins avecquesles dis procureur et clerc, qui de present y sont et seront mis, soient perpétuels comme le contient le previlleige.
Item et aussi que la baillee de la cloaison de la dicte ville demeure en sa vertu selon sa forme et teneur et sans aucune novacion.
Item, et en tant que touche le sourplus detouz les dizarticles, les dis de la mairie supplient a nos dis seigneurs les commissaires que leur plaisir soit les laissez joir et usez de tous leurs dis privilleges, confermez par le Roy nostre seigneur, reservé la diminucion des dis de la mairie, par ce que dessus est escript, aussi la justice ordinaire de la dicte ville et le domaine du Roy nostre dit seigneur, ausquelx demaine et Justice 1lz nentendent aucunement toucher, protestans quilz auront la justice et congnoissance de touz leurs deniers communs contenuz en leurs dis privilleiges, et en feront faire les contrainctes par leurs sergens.
Vous supplians et requerant nos dis seigneurs que pour le bien et utillité de la chose publicque, pour paix et amour nourir entre les manans et habitans de la dicte ville, vos plaisirs soient, ainsi que dessus est dit, le faire et ce appoinctez, sauf ce que voz nobles discrecions y sauront mieulx veoir et considerez pour le bien de la dicte ville.
(Bibl. Nat., Ms. fr.; n° 20493, f° 55.)
