MÉMOIRE AU ROI
Advertissement. Quant len met aucuns deniers au bas pais d'Auvergne pour le Roy, il ny a fors les esleuz, lesquieulx sont à la nominacion de Monseigneur de Bourbon, et y est le seneschal d'Auvergne, Gardete, Ligoni, l'official de Clermont, qui sont tous officiers, serviteurs ou subgetz de mondit seigneur de Bourbon, et semble que si le bon plaisir du Roy estoit de y commectre ung ou deux personnaiges depputez de par luy, et que sans ceulx la len ne mist nulz deniers sus ne besoigner en chose qui touchast les affaires du Roy ne du pays, le Roy garderoit sa préhéminence
he
et ses terres et pour les bonnes villes que anciennement avoient gens pour eulx a estre audit partaige equalité y seroit gardée. Car despuis le bien public, mondit seigneur de Bourbon na point aymé lesdictes bonnes villes qui ont tenu le parti du Roy. Et maintenant quant il a tenu ses estatz, il y a eu pluseurs des dictes bonnes villes qui ne se y sont point trouvez, pour ce quen’avoient lectres expresses du Roy ne plusieurs seigneurs dudit pays qui nont point consentu a loctroy que luy a esté fais. Il y a plusieurs bonnes villes et les terres de lesglise qui ne sont en riens subgetz à la duché, ains ressortissent devant le baylly de Montferrand et semblablement la terre d'Usson.
(BiblNat" Ms: fr'n° 2897, f 67.)
