COMENT K. FA APELER L’ABÉS

Le enperer nen fo pais demoré ;

L’abés da San Donis el oit demandé ,

E cil li vent voluntera et de gré.

Li rois li oit in la stelea mandé ,

O li can tent Macario seré N’en poit mover ne le man ni le pé.

Cun bocha avoit molto planeto parlé.

E l’abes quant li fo acosté ,

Elo l’oit por rason demandé S’elo vole dire la vérité ,

Q’elo soit ben cun l’ovra est alé Segondo cun la raina li avoit conté.

Dist Machario ; « Ora me confesé « Si me asolveri de tôt li me peçé ,

« Qe je so ben qe son à mort çuçé « E poco me vara toto me parenté. »

Dist l’abes : « Si grant e li peçé « E cuito ben qe dites vérité ; a Ma no por tanto, se le vor contaré

« Conter li voil tôt mon engignement. » . Li rois l’entent , s’en fu liés et joians.

De Saint Denis l’abi mande à itant ;

Et cil i vient volentiers , tôt errant.