PREUVE LXXXIX
[1525], 5 décembre, Moudon. — Lettres des États du pays de Vaud au duc de Savoie au sujet de la fourniture du sel.
{Original. Arch. Nord,B 19254, u° 46267).
Nostre tres reddoubté et souverain seigneur, si tres humblemant et de si bon cueur que faire povons a vostre bonne grace nous recommandons.
Monseigneur, plaise vous sçavoir qu'il a yci esté ung ambassadeur envoyéz de la part de Madame [Marguerite d'Autriche] lequel a cuyder mectre en exequucion aulcung mandemant et lectres patentes emanées de la "part de nostredicte dame faisant a propos du sel de Tormont, comme desja entendons cstes adverty par monseigneur vostre gouverneur et baillif de vostre pays de Vuaud.
Monseigneur, le plus grand mal que peust advenir en vostredict pays cestuy yci seroyt bien l’ung quant il demourroyt en l’estre fsic) que ceulx de Sallins ont pourchassé dernieremant envers nostredicte dame. Si vous supplions tres hbumblemant que vostre bon plaisir soyt d’avoir advys d’avertyr nostredicte dame qu’il luy plaise le bien et prouffit qu'elle a voulsuz oultroyé laisser au pays, et quant aultremant son plaisir seroyt de faire, vous supplions vous plaise y mectre de l'ordre et faire fornir le pays du sel de vous grenyers, que sera ung gros bien pour toute la reypublique et a vous, Monseigneur, augmentemant de vostre revenue et aussy, Monscigneur, vous plaira avoir regard et faire entendre a nostre dame l'erreur de vous mOnnoyes qui ne veulle accepter audict comté ne prendre, qui est une aultre grosse taillie a tout vostredict pays. Et de rechief vous supplions y provoir de remede et nous mander et commander sur le tout vostre bon voloir et plaisir pour y obeir de tout nostre povoir, moyen[nant] la bonne ayde de Nostre Seigneur, lequel prions, nostre tres reddoubté et souverain seigneur, qu’il vous doint tres bonne vie et longue. Escript en vostre ville de Moudon, ce V° de decembre.
Vostres tres humbles et tres obeissans subgects les ecclesiastiques, nobles ct bonnes villes des Estats de vostre pays de Vuaud.
Au dos : À nostre tres reddoubté et souverainz seigneur, avec cachet de la ville de Moudon représentant une M arec légende : $. comunitatis ville Melduni.
