PREUVE XC

1526, 26 janvier, Malines [style de Rome]. — Lettre de Marguerite d'Autriche à Béatrice de Portugal, duchesse de Savoie.

{Original signé. Turin, Arch. de Cour, Leltere principi Savoia, maz:o 2/.

Madame ma bonne niepce et belle seur, je me recommande de tres bon cueur a vous. J'ay par le seigneur de Verfay receu voz gracieuses lettres et entendu des bonnes nouvelles de mons. mon bon frere, vostre mary et de vous, dont je suis fort joieuse et vous mercye de tres bon cueur la souvenance et bonne voulenté qu'’avez a moy. Et promectz que se an semblable chose estoit que pour vous puisse, le me faisant savoir le feray tres voulentiers, et tiens que par l'alliance de mariaige de madame ma niepce vostre seur a l'empereur, monseigneur et nepveur, l’ancienne amytié de ces Maisons s'accroistra de bien en mieulx a quoy n'oblieray tousjours tenir Ja main.

Au surplus suis tres joieuse du fruit que pourtez duquel je prie a Dieu vous donner joye a vostre desir, et me sera chose tres agreable d'en estre la commere, comme mondict seigneur et bon frere m'a fait requerir. Et a tant, madame ma bonne niepce et belle seur, prie le Benoit Filz de Dieu vous donner l’entier de voz desirs. De Malines, ce XX VI° de janvier, anno XX VI.

Vostre bonne seur,

Signé : MARGUERITE.