PREUVE XIV

1505, 28 décembre, Lintz. — Lettre de Maximilien, roi des Romains, au duc Charles III au sujet de René, bâtard de Savoie.

{Orig. avec traces de cachet. Turin, Arch. Cour, Letlere principi foresteri, maz1o 1}.

Hault et puissant prince, tres chier et tres amé cousin. Combien que vous aions escript et expressement mandé de non recevoir en voz pays de Savoye le bastard de Bresse, touteffois entendons que, a la poursuite de nostre frere le roy de France et de Madame d’Anguolesmes, vous luy avez accordé ung traictié qu’il pourra retourner oudit pays toutes les fois que bon luy semblera, dont nous nous donnons merveilles et ne sommes aucunement deliberéz de permettre qu'il retourne en icelluy pays, mais y pourvoir a vostre deffault comme vostre souverain seigneur, par façon que serons en ce obcys, dont vous advertissons voulentiers et vous ordonnons et deffendons, sur autant que doubtéz desobeyr a nous et sur le serement que avez a nostre sainct empire, que ne seuffrez que icellui bastard de Bresse vienne oudit pays de Savoye sans nostre consentement. À tant, hault et puissant prince, tres chier et tres amëé cousin, nostre seigneur soit garde de vous. Escript en nostre ville de Lintz le XX VIII* jour de decembre l’an X V° cincq.

Signé : MAXIMILIEN ad mandatum domini regis proprium.

Signé : SERNTEIN (avec paraphe).

(Au dos) A hault et puissant prince nostre tres chior et tres amé cousin le duc de Savoye.