PREUVE XLIV

[1511], 15 janvier, Chambéry. — Lettre du Chapitre de la Sainte- Chapelle de Chambéry à Marguerite d'Autriche au sujet du reliquaire du S'. Suaire et des fondations de Philibert le Beau.

fOriginal. Arch. Nord, B 19250, n° 46229; cf. sur l'attribution de date, ibid., B 1535, n° 16669).

.Nostre tres redoubtée dame, appres tant de grandz biens qui nous a pleu nous fere comme de ouffrir une chasse d’argeant dourée de tres grande extime et valleur ordonnée pour repouser le tres precieulx Sainct Suayre, aussi de nous avoir donné chasubles, darmatiques et draptz d'autel frize et d’aultres, ensemble deux chappes de vellour noir et le grand tableau de Nostre Dame painct de grand pris et merveilleuse beaulté, perseverant de bien en mieulx dernierement de vostre grace vous a pleu nous donner et eslargir troys mille florins monnoye de Savoye, lesqueulx nous debvoit payer vostre tresorier de Breysse a deux termes deja passéz, comme se conste par voz lettres patentes, lesquelles vous envoyons pour les renfforcer, si vostre bon plaisir est, de sorte que puissions obtenir poyement desdicts trois mille florins le plus brefz qu'il vous plaira pour les emploier en bonnes rentes qu’avons a main, en descharge de vostre grande messe de Requiem, laquelle a esté celebrée a dyacre et soubdiacre par voz chanoynes continuellement despuis le jour que vostredicte chasse fut offerte, ainsi qu’en summes tenuz et obligéz au remede de l'ame de feu nostre tres redoubté seigneur monseigneur Philibert, duc de Savoie, que Dieu absoulve ; il vous a pleu de nouveau que nous obligeons sellon le contenu de vos dictes lectres, laquelle chouse ferons de tres bon cueur, a cause des grandz et innumerables biens que nous avés faictz. Et pour ce faire, nous vous envoyons le double dudict oublige pour y addir et diminuer tout ainsi que vostre bon plaisir sera, vous suppliant tres humblement qu'il vous plaise avoir esgard aux bonnes et anciennes coustumes des esglises universelles tant cathedrales que collegialles, ausquelles jamais ne se chante messe fondée pour les trespassés les dymenches et jours de festes doubles et sollempnes, mais occupent telz jours a donner louenge a Dieu et a sa Glorieuse Mere et gloire triomphante au Saimct duquel on faict l'office, sans mesler Requien avec le Gloria patri, ne pour ce ne laissent ilz a tieulx jours de rendre leur debvoir en leurs oraisons et messes pour tous ceulx et celles ausqueulx 1lz sont tenuz et obligéz de prier. Nous vous supplions tres humblement que vous plaise avoir aggreable que fassions ainsi que toutes aultres esglises font... À Chambery, ce XV° de janvier.

Vos tres humbles et tres obeissantz serviteurs et orateurs les chanoynes et chappitre de vostre Saincte Chapelle de Savoye.

Au dos : À nostre tres redoubtée dame.

372 MARGCGERITE D'AUTRICHE