PREUVE LIV

[1511], 11 avril, Bourg. — Lettre d'A. de Montjovent à Marguerite d'Autriche sur les préparatifs militaires du duc de Savoie contre les Suisses.

{Original. Arch. Nord, B 18997, n° 38667].

Ma tres redoubtée dame.

Je croy qu'estes advertie de l'appareil que monseigneur vostre frere a fait en ses pays pour se garder de la maulvaise voulenté que messeigneurs les Suisses ont envers luy. Il y a environ dix ou douze jours que mondictseigneur vostre frere me rescripvist des lettres et commanda par icelles que je luy eusse a mener tous les nobles et aultres gens de cheval de ce païs et a fere semblablement marcher les gens de pied, lesqueulx il a fait lever en ce païs jusques au nombre de cinq cens arbalestiers, ce que je fis, et avons marché jusques a Nantual la ou il luy pleust moy rescripre que j'eusse a ramener les nobles et aultres gens de cheval en ce païs, et que ung chescun aye a soy tenir prest pour desmarcher toutesfois et quantes que par luy seront mandés, et quant aux gens de pied, qu'ilz ne s'avencent point pour trois ou quatre jours, actendans aultres nouvelles de luy.…

À Bourg, ce XI° d'avril.

Vostre tres humble subgect et serviteur, Signé : de MONTJOVENT.