PREUVE LVI

[(1511](‘), 9 juin, Moudon. — Lettre de Jean d’Estavayer à [Guillaume de Vergy|, maréchal [de Bourgogne].

{Original. Arch. Nord, B 18973, n° 37750).

Monseigneur.…, Demain a Berne ce doit fere la conclusion avecques les deputéz de messeigneurs des Ligues. Sy la paix est bien assurée, congnoistrés par lesdis doubles qu'elle couste bien chierf, que suys assurer monseigneur nostre prince trouvera bien estrange et non sans cause, veu les durs termes que l'on luy a tenu. Je crois que mondict seigneur soit de retourt a Geneve de Chambery ou il estoit aller trouver la royne et monseigneur d'Angolesme qu'ilz ont estéz audict Chambery pour veoir le Sainct Suayre au nombre bien deux milz chevaulx. Les ungs dient que le roy passera les monts et d’aultres dyent de contraire. De cela et d’aultres choses que je pourrey sçavoir vous en advertiray tousjours, vous suppliant en advertir monseigneur de Besançon, messcigneurs de Vallengin et de Neufchastel. Je mande a vostre capitaine de Champvens qui ne ce fye pas tant a la paix que pour ung peu de temps il ne face tousjours bon guest, ce que sumes deliberés de faire en ce pay de Vuaud

(1) L'attribution à l'année 1511 est corroborée par une lettre de Burgo du 6 juin {1511} mentionnant le passage de la reine de France à Chambéry pour voir le S. Suaire. GODEFROY, Lettres de Louis XII, II, p. 265.

jusques ad ce que ayons de mondict seigneur ce qui ly plaira nous mander et ordonner. Et pour ce, Monseigneur, que je vous promes ay la teste sy tres rompue que je eulx yl y a dix ans, ne vous feroy point plus grant escripture... Escript a Modon le IX° jour de jung.

Vostre homble servyteur, Signé : Jan d'ESTAVAYER.

Monseigneur, je ne vous fais point de recommandacion de ma femme pour ce qu'elle est toujours a Grangettes en bonne sancter.