PREUVE LXV

1512, 9 septembre, Bourg. — Lettre de Chivilliard à Marguerite d'Autriche sur le prix des travaux de Brou.

{Original. Arch. Nord, B 18840, n° 29195).

Ma tres redoubtée dame, tant et tres humblement que fere puys je me recommande a vostre bonne grace.

Madame, j'ay receu voz lettres darrenierement escriptes, et desja avoye fait grand amas de toutes maticres et tant que je n’ay plus de place ou les logier.

Touchant fere croser pour et affin que vostre maistre masson [Louis van Boghem], que debvez envoyer, puisse entendre l'estat des fondes, les religieux ne l'ont voulu souffrir, ont vous escripra la cause, et mons. de Beauregard la vous dira. J’ay bien affere de contenter chescun.

Qu'aux /sic/ des deniers receuz et livrées jusques a cest heure, je n'ay receu sy non environ de XXXV* a V° florins qui sont employés. Si plus, je suys apres qu'on voye mes mises ct lors ont le cognoistre. J’ay a recepvoir a ce terme de septembre environ de V' a V ou VI: florins.

Par ainsi a Pasques que seront six ans que m'avez donné ceste charge, je auray receu de XL" a V ou VI florins et suys bien deliberéz, comme de vostre grace vous m'advertissés, vous en rendre bon et loyal compte.

De voz armes mectre en toutes les voctes et ailleurs, il y a desja bon commencement. Ce pourteur le vous dira et ne cesseray jour et nuyt.

Touteffoys voz religieux me vucillent fere mectre la main en quelque aultre chose qui n’est pas de la tache de voz massons ny au pourtrait de l’ediffice. Ont vous en fera des plaintes. Je ne doiz entendre sy non a la charge qu’on m'a commise. Par ainsi, ont ne m'en peut chargier.

J'ay fait du tout achevé la cuysine et les appartenances magnifficques comme il vous pleut a ces Pasques darnier m'advorty. Les religieux demandent fere ung aultre ediffice qui ne pourra estre fait guerez devant X VIII moys, et si n’ay pas ny boys ne pierre en provision, synon celle de l’esglise qui doit aller devant a mon advis. Aujourd’uy demandent une chose, demain une aultre, Madame, j'ay tant de peine que je n'en puys plus pourter…

Escript a Bourg le IX° jour de septembre M V° et XII.

Vostre tres humble et obeissant subget et serviteur, Signé : E. CHIVILLIART.

(1) Une autre minute datée de Bruxelles, 21 août 1512 (Arch. Nord, L.M., n° 30441) renferme un passage raturé faisant allusion à la rupture du projet de mariage négocié par l’archiduchesse et la difficulté de trouver de nouveaux partis à la suite du refus de la demande présentée par un personnage non désigné.