PREUVE LXVI
[entre 1513-1518], 28 juillet, Chambéry. — Lettre des clarisses de Chambéry à Marguerite d'Autriche concernant la canonisation de sainte Colette.
{Original. Archires du Nord, B 19251, n° 46231].
.Jhesus, Maria, +, Franciscus, Clara.
Joie de cueur procedant du Saint Espirit vous doint le doulx Jhesus Nostre Sauveur et Sa Sacrée Virge Mere Marie, amen. Nostre tres haute, tres redoctée et tres excellente dame et nostre tres benigne et singullieremant aymée mere en Nostre Sauveur Dieu Jhesucrist, le plus tres humblemant et afectueusemant que a nous vous tres humbles et petites serves et possible nous recomandons a vostre tres benigne grace, et S'et par autant de foiz que Nostre Sauveur a respandu de goutes de son precieux sanc en faisan les heuures de nostre redempcion, en vous tres humblemant remerciant, nostre tres redoctée dame et pour la sainte amour de Dieu soit, de toutez les ausmonnez et grans biens que de vostre grace nous avés fait autrefoiz, lesquelx ne hoblions par devant Nostre Seigneur ne vous ossi, nostre tres redoctée dame, et combien que vous estes moll loint de nous vous humbles filicz, se vous avonz nous tousjours molt chiere devant Dieu, devant lequel vous tenonz pour nostre tres benigne dame et mere. Et vous plaise assavoir, nostre tres redoctée ct tres excellante dame, que nostre tres reverant pere general de tout nostre Saint Ordre a maintenant mandéz a vostre tres humble horateur, nostre bon pere confesseur, qui labeure a la canonisation de nostre glorieuse mere seur Colecte, de bonne memoire, pour laquelle chose vous supplions toutez tres humblemant a genus et à mains jointes que, pour l’amour de Dieu et de sa benoite mere, que vostre bon plaisir soit en escripre a nostre saint pere lé pape, ainsi que de vostre grace l’aves desjaz fait es autres sains peres trespasséz, et vous plaise Jÿ demander qui plaise a Sa Sainteté ballicr la commission de fere l'examen de la vie et miracles de la beate mere seur Colecte pour apres la canonizer. Et plaise a vostre Haute Seigniorie en rescripre a monseigneur le cardinal, nostre protecteur, et a tout le saint college des seigneurs cardinaulx et a vostre procureur que avês a Rome, afin qu'il ayen ceste sainte heuvre a intercesse par devers Nostre Saint Pere. Et encores vous prions, nostre tres redoctée dame, que vostre bon plaisir soit mander a tres redocté et tres excellant seigneur vostre pere, nostre sire l’Anpereur, qui 1y plaise rescrire de sesy coninant desgaz 11 ly a plu le fere deux foiz, et luy vous serés bien heure{u}s de vous emploier en ceste sainte heuvre. Et se par vous bons moiens elle se sort à bon effait, toute notre sainte religion sera tenue a prier Dieu pour vous a tous temps, et en cesy depen grandemant l'onuneur de Dieu auquel vous ferès gran plaisir et service et sy ferès vous a ladicte sainte dame que a fait de sy grans choses en l'eglise, comant de reformer les deux ordres de Nostre Pere Monseigneur Saint Franssois et que jornellemant fait Lant de miracles, pour quoy croiéz qu’elle sera une avocate devant Dieu. En vous prian ossi, nostre tres redoctée dame, que pour l'amour de Dieu vostre bon plaisir soit nous fere l’ausmone de cella qui vous plaira pour vivre, car de present nous sommes en plus gran necessité de nostre povre vie que ne furen onques et cella que de vostre grace vous plaira nous donner, l’'omme que vait avec se bon frere que envoionz par della pour avoir les dictes lettres le nous aportera bien seuremant et par avanture que
n'envoierons jamais plus nul par della et pourtant s’il vous plait nous fere l’ausmonne, vous nous ferés gran misericorde et consolacion et de plus en plus serons tenues a prier Nostre Seigneur pour vostre bonne prosperité, sancté et longue vie. À tant, nostre tres redoctée dame, prions le benoit filz de Dieu qu’il vous doint acomplicemant de vous bons ct sains desirs, amen. Escrist a Chanbery, en vostre povre covant de madame Sainte Clere, le XXIII de julyet.
Ma tres redoctée dame, moy vostre tres humble serve seur Margucrite Carionne, humble abesse de vostre dit covant de Chanbery, vous envoie ceste coronne de la Glorieuse Virge Marie et ceste croix et scenomdeJhesuset de Maria pour mectre en vous heures et s’il vous plait de vostre humilité prendrés en gréz mon petit present.
Vous tres humbles et tres hobeissantes filiez et serves en Nostre Seigneur, l'abbesse et seurs dudict covant de Chaubery.
Sur le dos: Jhesus Maria + A nostre tres haute, tres redoctée et tres excellante dame madame la duchesse, tres humblemant.
