PREUVE LXVII

[1514]. — Instructions pour le contrôle des travaux de Brou.

{Minute très ralurée. Arch. Nord, B 2236, n° 77251].

S'ensuyt l’ordre qui se debvra tenir en l’ediffice du couvent de Brouz par les officiers et ouvriers d’icellui, ainsi qu'il a esté ordonné par Madame.

Premierement, que d’icy en avant le maistre des euvres dudict Brouz Estienne Chevilliard se prenne garde en personne comme s’en devra pour le fait dudit ediffice que, par chascun jour qu'il sera, sera necessaire qu'il se treuve sur le lieu pour illec estre plus prest a veoir et recevoir les pierres, lauzes, chaulx et autres matieres que y arrivent, et aussi savoir des ouvriers qui besoingnent journellement ce qu'ilz ont fait, et aussi ce que scroit encoires a fere et s’il y a necessité d'aucune chose, pour y donner l’ordre, et que ledit payement comme pour les journées desdis ouvriers et autres pour le fait dudit ediffice, ne se face plus que par les mains dudit Chevillard selon l’ordre que on luy a donné, sans que autre personne manye les deniers que luy ou par ung clerc qu'il pourroit envoyer en son absence, pourveu que ce soit a ses propres frais.

Item, que le conteroleur Pierre Leguat soit d'ores en avant appelé et qu'il se treuve aux marchéz qui se feront pour l'achat des dites pierres, chaulx, Jauses et autres matieres necesseres pour ledit ediffice, pour sçavoir comme les dis marchéz seront conduictz et en sçavoir respondre. Et aussi que d'ores en avant, au bout de chacune sepmaine ou autre jour que se fera le payement des ouvriers ctautres que besoignent et se meslent dudit ediffice, ledit conteroleur aussi appelé soit present a fere le payement ct en tienne le conterole comme il appartient /ce paragraphe esl rayé).

Item, que maistre Crestin, maçon, besoingne d'ores en avant en ses journées sans soy meslé non plus de la distribution desdis deniers ne fere le paiement pour et ou nom dudit Chevilliard ausdis ouvriers, ains qu'il face au fait dudit ediffice ce que luy touche et que maistre Loys van Beughen luy commandera. /Le passage suivant est rayé : afin que ledit Chevillard face luy mesmes ce qu'il doit fere en son office

sans pour ce destourber les autres et leur souffrir prendre double journées et fere leur prouffit particulier qui viendront a perte a la longue et seroit cause retarder l'ediffice).

Et au surplus que, au fait dudit ediffice, tous ouvriers et ouvriercs facent ce que maistre Loys van Beughen, maistre maçon, leur commandera et qu'ilz ensuyvent l'ordre qu’il leur donnera pour fere et avancer l’edifice comme Madame le desire et qu'elle l’a ordonné audit maistre Loys, qu’elle entend a ceste cause renvoyer en bref par dela.

Item, que ledit Chevillard et Pierre Leguat, conteroleur, se treuveront ensemble chacun jour de samedi de la sepmaine en place audit Brouz pour illec fere le payement desdis ouvriers, et ordonne Madame qu'ilz auront chacun ung livre pour inscripre le payement chacun au syen.…, et s’il y a marché de pierre, chaulx et autre matiere servant audit ediffice, excedent cent florins, ledit Chevillard avec ledit conteroleur en advertiront pour conclure la marchandise aucuns de ceulx des comptes de Bourg, pour le tout mectre par escript comme dit est et sçavoir comme les afferes dudict ediffice se conduiront.