PREUVE LXXXV

1521, 20 mars {style de Noël], Chambéry. — Instructions du duc de Savoie à de Montjovent au sujet des bijoux de la maison de Savoie détenus par Marguerite d'Autriche.

{Original. Arch. Nord, B 18896, n° 33978).

Memoire a monseigneur de Monjovent de ce qu’il aura a dire a monseigneur le gouverneur de Bresse de la part de Monseigneur.

Premierement, qu'il sçait assez les propos qui luy a tenu de ses bagues qui sont entre les mains de Madame sa belle seur pour le desir qu'il a de les recouvrer a ceste venue qu'est cas de neccessité et qui touche l'honneur et reputation de la Maison.

Et pour ce qu’il entend assez le service que ledict monseigneur le gouverneur luy peult faire en ceste matere envers madicte dame et la bonne voulenté qu'il en a, je luy prie s’i vouloir employer et tenir main que madicte dame se contente luy rendre le charboucle et le monde qui sont les deux pieces qu’elle est tenue restituer par son traité, et mondict seigneur luy fera respondre par la grant compagnie de sa somme.

Et pour ce aussi qu'elle a troys aultres pieces c’est assavoir le seingt et le pendans qui est aux deux lettres X et M avecques ung aultre pendantaux lettres X etM qui viendroyent fort a point a mondict seigneur et dont les deux, assavoir le seingt et le premier pendant, sont partys de la Maison, luy priera tenir main envers madicte dame pour les luy faire recouvrer et avoir moyennant quelque honneste somme qui sera advisée, laquelle il luy fera respondre par ladicte grant compagnie.

Plus et a cause que c’est pour la venue de Madame qui arrivera entre cy et my may ou le XX° au plus loing, luy priera vouloir entamer la matere et l’addresser au plustost qu’el pourra entre cy et la, car il ne Juy serviroit de rien appres et il luy fera singulier plaisir en ce faisant.

Plus et affin de gaigner temps, voyant qu’il est si court que avant qu'il ait response de madicte dame et qui luy ait fait avoir la caution et sehourté de ladicte grant compagnie le moys de may sera passé et plus avant, beaucop il sera content pour la scheurté de madicte dame, en cas que en dedans le terme de troys moys mondict scigneur ne luy donne ladicte grant compagnie pour respondant ou aultre seheurté a elle aggreable, de luy yppothequer. obliger et transporter d’icy et desja deux ou troys des meilleurs pieces qu'il plaira a icelle choisir en Beugeys au pluspres de Bresse qui soyent a elle toutellement en cas de default, sur quoy ledict gouverneur arrestera avecques nostredicte dame en faisant les promesses et trectéz en tel cas neccessaires pour et au nom de mondict seigneur qu'il aura ferme et aggreable en la maniere que dit est, en rendant madicte dame lesdictes pieces comme dist est.

Et ledict seigneur de Monjovent devisera avecques ledict seigneur gouverneur des places qui luy semblera plus duysantz pour la seureté de madicte dame et advertira mondict seigneur de l’arrest dont ilz demoureront ensemble.

Fait a Chambery le XX° jour de mars mil cinq cens vingt ung.

Signé : CHARLES.

Plus et que s’il a point de novelles de monseigneur le conte, qu'il en vueille advertir mondict seigneur.

Signé : VULLIET.