LE TRAITE DE LA SAIGNEE DE JEHAX LE LIEVRE I

seconde quant la saignée est neccessaire de foire, la iij'^ est de savoir ouvrir la vayne et comment chacune doit estre incisée. Et dois savoir que le saigneur doit estre jeune homme, non niye enfant, ne aussi trop vieulx et doit avoir le corps fort et les mains non mye tramblans. Il doit avoir la veue sayne et soubtille et doit savoir le usaige de congnoistre les vaynes et de les savoir diviser des nerfs et des artairez et doit savoir les lieux esquelz l'on doit savoir trouver les vaynes que l'on doit saigner et là ont les vaynes approuchent des nerfz et arterez afin qu'ilz seiche de chacun le péril. Item il doit avoir pluseurs lancetez et les tenir cleres et reluisans de fin acier et doit avoir les unez soubtillez et déliées et les autres grossez et les autres plus grosses, les unes courtes et les autres longuez, afin que quant il sera mestier de faire en la vayne grant pertuis. il le fault faire de plus grande lancete et en la petite vayne de plus petite lancete, et doit tenir la lancete avecques le poulce et avecques le doy monstreux de la destre main et doit avecques celluy d'empres taster la vayne et regarder avant bien le lieu qui veult bien etseurement saigner.

Ou second cas on ne doit mye saigner les petis enf.ms se trop grande nécessité ne le contraignoit, ne sans le commandement de leurs parens et amis, ne aussi gens vieulx qui sont décrépites, ne gens qui se lievent de maladie, ne aussy femmes grosses d'enfant et par especial es trois premiers mois et es trois derreniers, ne aussi les jouvenceaulx qui sont blans et palez et qui ont pou de barbe et ont gresles vaynes et mussees en leur corps et qui ont pou de sang, car en telz gens le sang doit estre gardé pour trésor. Et quant es autres pors, saichez que la va3'ne raineuse qui vient du foye si viennent toutes les autres vaynes qui sont sur le corps de la personne comme sur le corps est plus à plain declairé.

Expliciuntles disputacions des saignées par ordre composées et le traictié sur ladite matière de maistre Jehan Le Lyevre, docteur en médecine. E. Wickershelmer.