XCIX
Clos aux galères à Harfleur(l).
S. D. [commencement du xvi« s.]
Devis d'une gectée.
.... [Travaux] de niassonerie que veulent faire messieurs les gouverneurs de la ville de Harfleu au clos à gallées commenchante à la tour couppée en tirant vers la
grosse tour.
Primo.
11 convient fonder lad. gectée jusques à la certaine terre de cinq piedz ou environ de large de bonnes bittes assises à bon mortier jusques à la haulteur du fons du gravier du havre.
Item. Sur led. fondement convient faire et esliger le i^rement de lad. gectée; lequel parement se fera de quattre piedz par bas revenant à trois piedz par h^uit. Et se fera Içd. parement de bonne pierre dure du vau des leux^ avec des bittes par derrière. Et le devant dud. parement sera assis à bon chiment avec de bon mortier.
Item. En faisant icelle gectée , conviendra rabiller le
(1) Arch, d' Ha r fleur t arm. 1, Papiers mêlés.
trou de Testeau et le lesser de haulteûr et laize et couvert comme il appartient , en sorte que on le puisse vuider quant mestier sera.
Item. Convient faire la dernière assiette de bonne pierre dure, parpaine de trois piedz de let, servante de pavé audessus de lad. gectée de par ung bout jusques .. lad.
gectée fauldra entasser des pierres boutiches (?) qui seront arondis par hault qui auront audessus dud. pavé environ douze ou quinze pousses ou ainsy qu'il plaira h messieurs les ordonner. Et le tout faire bien et deuement comme il appartient...
Abus relatifs à la marine en Normandie (Havre
de Grâce) (1).
Méritoire pour informer sur les abus commis au faict de
la marine en Normandie,
Et premièrement: la grand nef Fran(;ot5e cousta auKoy plus de cent cinquante mil francs , et se prouvera » pour vérité, que Ton y desroba le tiers de l'argent.
Item , couste au Roy et au pays de Normandie plus de quatre cens mil francs à faire le Hable de Grâce , là où il y a esté pour le moins desrobé la quarte partie. Et pour vérifier cest affaire il fault recouvrer le double du compte des thresoriers de la marine, maistre Jehan Robineau et maistre Michel Menant. Pareillement fault recouvrer compte
(1) B. Inip. Doat, vol. 117, fol. 206 v^.
de celuy qui a tenu le compte de la despence du Hable neuf de Grâce. Et, ayant lesdits comptes , il se trouvera pour certain plusieurs abus, au grand préjudice du Roy. Et y a environ trois ans que, par authorité de la Court de Parlement de Rouen, il a esté faict des informations des larcins qui ont esté faictz en faisant ledit Hable neuf, lesquelles led. Lartigue , visadmiral de Bretaigne , trouvera quand il sera besoing ; et ouUre les deniers qu'on trouvera bons pour le Roy , ceux qui ont les malversations sont fort riches , et les confiscations en pourront venir au Roy.
Item, pour faire venir à lumière toutes les choses cydevant declairées en ce présent mémoire , il fault avoir et obtenir commission du Roy , adressante à gens bien seurs, et que ausd. commissions ne soient point contenuz ne declairez les poincts sur quoy on veut faire enqueste , aflSn de besoigner plus secrètement ; car, incontinent que Ton en sera adverty, les gens de justice et des comptes et aultres gens de finances qui sont liez ensemble, fairont telles diligences que Ton ne pourroit avoir si entière cognoissance ne si bon service au Roy que Ton faira si les choses sont secrètes. Et , pour venir à cela , il faut faire amples instructions qui soient signées s'il est possible de la main du Roy, ou bien que homme de finance ne les voye quand elles seront cachetées, sinon le secrétaire qui les signera. Et ne se pourront faire les choses trop secrètement. Et, s'il plaist au Roy et à la Royne de entreprendre de faire depescher les commissions et instructions nécessaires, pour faire voir à entière cognoissance toutes les choses dessusdictes, il se faira un grand profit au Roy. Et faudra quelesditz commissaires , nommez esdictes commissions, ayent pouvoir de adjoindre avec eux un ou deux juges, s'ils voycnt qu'il soit bon, et aussi qu'ils ayent pouvoir de substituer un procureur du Roy.
Commerce et approvisiomiemeiit de bois à brûler dans la ville de Rouen. — Flottage (1).
Comme plusieurs plainctes et querimonies aient esté faictes à la court, de la part du procureur gênerai du Roy et des bourgoys . manans et habitans de ceste ville de Rouen. . . touchant le faict et poUice de boys amené en cested. ville de Rouen . . Surquoy » âpres la chose communiquée en Tostel commun de iad. ville, appelle les officiers ordinaires du Roy , le maistre des eaues et fot^stz, les conseillers de lad. ville et plusieurs notables personnaiges, et leurs advis et rapport veu et délibéré , en lad. court, a esté par icelle par manière de provision ordonnent statué,. . jusques à ce que autrement , en ait esté plus amplement pourveu , ce qui ensuit :
Premièrement. Pour ce qu'il a esté trouvé que lad. ville est en grant partie fournie du boys admené et prins eu la forest de Lyons , qui est faict venir à flote par les riviôrôs d'Andelle et du Lieure descendantes en la rivière de Seyiiè et que sur lesd. rivières y a plusieurs abbayes, prienrez, gentilz hommes et autres qui donnent empeschement aux marchans de passer leur boys par lesd. rivières et mesmes par les bayes et excluses des moullins et pescheries estans sur lesd. rivières, et veullent sur eulx prendre grandes exactions et péages , mesmes aussi les empescher qu'iiz ne passent sur les rives des prez joingnans lesd. rivières , qui
(I) Arch. de la ville de Roueriy tir. 173, li. 1.
est grandement en préjudice de la chose publique, la Court ordonne que les seigneurs qui ont fiefz , prairies , terres » pescheries et moulins sur lesd. rivières et mesmes tous autres qui y pevent avoir inlerrest seront oyz pour , en aprez tauxer , au quarteron ou autrement , ainsi qu'il sera ad visé, ce qui se devra païer du dommaîge ou interrest tel qui leur pourra appartenir à cause et par raison du flotage, qui se fera par cy-aprez , du boys descendant par lesd. rivières d'Andelie et du Lieurre. Et ce pendant lesmarchans sont permis faire floter leurd. boys par lesd. rivières, pour chacune flote, jusques au nombre de troys cens quarterons de bûche et audessoubz , en baillant cauxion bourgoise en cested. ville de Rouen de faire le paiement desd. dommaigeset interretz selon la tauxacion qui pour ce sera ordonnée, lo tout en actendant que autrement y soit pourveu par lad. Ciourt., comme dit est.
Item. Et pource que sur la rivière d'Ëcte , auprez de Câny t y a une forcst assise, en ce pays de Normendie, laquelle est exposée en vente et font, les marchans qui achaptent led. boys , icelluy conduire et mener par dessus lad. rivière d'Ecte en lad. rivière de Seyne , ainsi qu'ilz font par l^d. rivière d'Andelie et delà le font mener hors de ced. pays et duché de Normendie , qui est grandement en préjudice d'icelluy, la Court a defiendu et deffend aux marchans dud. boys et tous aultres de tirer et faire mener boys hors ced. pays et duché , et commande et enjointe lad. Court aux marchans , qui ont achapté boys et mis sur lad. rivière , de admener led. boys en cested. ville de Rouen, pour y estre vendu et distribué , le tout sur paine de forfaicture dud. boys , de prison et d'amende arbitraire ; et , à ceste fm, seront depputez gardes et sur les fins et limites de lad. rivière. 'C'est assavoir: au-dessus de la ville de Vernon et audessoubz de lad. rivière de Seyne , à l'endroict du bourg de Lislebonne. . .
lien). Et pource qu'il a cslé trouvé , aprez que led. boys
a esté admené par les basteaulx en cested. ville , y a eu et a grand desordre et confussion, et led. boys desrobé aux marchans par plusieurs et grand nombre de gens ayans brouectes , qui ont puis nagueres conventé de ainsi le faire et laissé et habandonné leurs mestiers... esquelzen» précèdent ilz gaignoient leur vie ; mesmes aussi à raison de ce que les bastelliers et ceulx qui maynent les flectes et petitz basteaulx sur lad. rivière de Seyne , vont audevant desd. basteaulx et marchans admenans boys, lesquelz brouetiers et bastelliers prennent led. boys desd. basteaulx oultre le gré et voUunté desd. marchans , à raison de quoy ilz ne le pevent descendre sur le Kay et mectre en roseaulx ainsi qu'ilz avoient acoustumé de faire, et en estoient advenus plusieurs meurdres et inconveniens, lad. Court prohibe et deilend ausd. bastelliers menans lesd. flectes et petitz basteaulx et brouetiers,... sur paine d'amende arbitraire et de prison , à la vouUenté de justice , de plus s'entremectre d'aller quérir lesd. boys esd. basteaulx ne les revendre, ne empescher ausd. marchans de le descendre sur les Kays . . .
(Cette ordonnance du Parlement est le point de départ d'un nombre considérable de mesures prises tant par le Parlement que par le bailliage et la ville pour Tapprovisionnement de Rouen. On voit par ces ordonnances qu*il y eut au xvi^ siècle des disettes de bois à brûler très inquiétantes pour la tranquillité publique.)
Armement de naTÎres pour la défense des côtes de NormantVe ( Lettre du cardinal d'Amboise) (1).
[1507], DÉCBMBBB 30.
A Messieurs les conseillers et gouverneurs de la ville de
Harfleu.
Messieurs » le Roy m'avoit donné charge de parler à vous autres des villes franches touchant le fait du navire qu*il veult faire dresser pour la seureté de son royaume et mesmement pour le bien du pays de Normandie. Hais pour ce que j*ay eu beaucoup d'affaires pardeça , et aussi que led. seigneur me mande m'en retourner le plus tost que poussible sera devers luy, H' le général de Normandie demeure aud. pays pour quelque temps, qui vous déclarera de ma part Tentencion du Roy et ce que vous avez affaire. A ceste cause , croyez-le comme moy-mesmes et concluez avec luy » afiin qu'il m'en escripve pour en advertir led. seigneur , vous disant adieu, Messieurs , qui vous doint ce que desirez. Escript à Gaillon , le pénultime jour de décembre. Le tout vostre. Le cardinal d'Amboyse.
(1) j4rch, mimicip. d'Harfleuty arm. 1.
cm.
Armement de navires pour la défense des o6tes et la protection du commerce (Lettres de Louis XII) (1).
^h MARS 26.
A noz chers et bien amez les bourgeois et habitans de nostre
ville de Harfleu.
De par le Roy (Louis XII).
Chers et bien amez , Nous avons entendu , par nostre anié et féal conseiller , le général de Normandie, la conclusion qu'il avoit prinse avec aucuns voz commis et depputez après les derniers Estatz tenuz aud. pays touchant ce que vous avoit escript par luy nostre trescher cousin et féal amy , le cardinal d'Amboyse , légat en France , nostre lieutenant gênerai en Normandie, en ensuivaiitce que avons ordonné, conclud et délibéré touchant le fait du navire pour le bien et tuicion de nostre royaulme et mesmement de nostred. pais de Normandie. Et aussi nous avons voulu entendre de Testât de voz deniers communs, que avez baillé par escript à nostred. général pour adviser , sur led. estât , de quelle somme vous contriburez à cause d'icelluy navire. Et à ceste cause nous vous avons tauxez à la somme de quinze cens livres tournois , laquelle nous avons ordonnée estre baillée et délivrée es mains de nostre cher et bien amé Jehan du Val, que nous avons commis à faire construire ung navire du port de deux cens tonneaulx en
(1) Àrch. municip. d'Harfleur, arni. 1.
nostrcd. pays de Normandie pour la seureté et deffense d'icelluy païs , avec Tautre navire que avons ordonné y estre fait. Si voulons et vous mandons très expressément que survosd. deniers communs vous fournissez iad. somme aud. Du Val... Donné à Meillan , le xx?!"* jour de mars , Tan mil cinq cens et sept, avant Pasques. (Signé.) Loys. (Contresigné.) Robertet.
(Il parait , par d'autres lettres du 4 décembre [ 1507t] , qu'à cette date les bourgeois d'Harfleur n'avaient pas encore payé le premier écu de cette somme de 1,500 livres , votée parles Etats de 1507.)
