FÉVRIER

(Louis XII aux bourgeois d'Harfleur.) (1).

De par le Roy.

Chers et bien amez , Nous, renvoyons en notre païs de Normandie notre amé et féal conseiller et maistre d'ostel ordinaire , le sire de Clermont (René de Clermont) » visadmyral, auquel nous avons donné charge et commission expiesse de visiter tout le navyre de noslred. pays et tous les portz et avres d'icelluy , et faire mectre en ordre . apareil et estât de servir et faire voille les navires ordonnez estre faitz en icelluy pays , pareillement de faire tenir prest , le long de la coste de la mer , ung bon nombre de gens de pié pour la deifence dud. païs ; aussi ordonner

(I) Arch, municip. W Harfleur^ arm. 1. (Copie du xvi* s.)

qu'on face partout bon guet et bonne garde le long de lad. coste et aussi par toutes les places dud. pais, en manière que par surprinse ne autrement inconveyens n'en puissent avenir. A ceste cause vous pryons et mandons que vous faictes entièrement ce que led. sieur de Clermont vous ordonnera pour nostre service et le bien sûreté dud. pays , et luy donnez toute Tayde, port et assistance que pourrez ou fait de la charge que luy avons baillée. Et vous nous ferez service et plaisir très agréable en ce faisant. Donné à Bloys, le XXII' jour de février. Ainsi signé : Loys ; et au-dessoubz : Robertet.

Droits du comte de Tancarville sur les navires (1).