Et par

sommes ; et pour ce faire ont tous les ans1 ung chascun d'eulx pour ung marc de jects d'argent aux armes et devises du prince; et pareillement font tous les jours ung autre rolle de tous les noms et surnoms de ceulx qui sont comptez par les escroes, grans et petiz, de quelque estât qu'ilz soient. Et à la fin des noms d'ung chascun est escripte la somme de combien ilz sont comptez par jour, et de ce comptent et royent2 les maistres d'ostel à leur discrétion , et selon les ordonnances du prince. Etlesdictes sommes et despence de gaiges calculées et jectées se mettent tout en une somme du jour, et sont toutes les parties particulières d'office en office, ensamble les sommes des gaiges, et puis les deux parties ensamble par une somme du jour mises et escriptes en ung fueillet pour chascun jour ou papier du controlle3; et faict on pour chascune année4 ung controlle, où il y a aultant de fueilletz qu'il y a de jours en l'an, et non plus ; et ne peult on escrire en iceluy controlle que en la présence des maistres d'ostel ; et à la fin de l'an se porte en la chambre des comptes, et sert pour veoir se les rolles bailliez journellement au maistre de la chambre aux deniers se rapportent à iceluy controlle. Les clercs d'office escrivent toutes autres lettres et appointemens fais au bureau, et tous les jours vont en chascune office recueillir les parties de leurs despences pour en rendre compte comme il est escript cy dessus.

Le duc a quatre sommelliers pour sa chambre, dont