Mot omis

puis prent l'espreuve de la licorne en la petite nef, et touche le pain tout à l'entour, et puis trenche devant le prince; et quant il a servy de pain, il la remet sur la table entre luy et le panetier, et puis prent le petit coutteau et baise le manche, et puis le met devant le prince ; et tous les metz et toute la viande qui est sur la table, il la1 doibt descouvrir et mettre devant le prince l'une après l'autre, soit fruict ou autrement; et quant le prince a mangié de l'une, il luy baille de l'autre selon son appétit; et doit avoir discrétion de présenter au prince les metz comme ilz doivent aller, c'est à sçavoir les potaiges premiers que le plat, et les œfz avant que le poisson ; et quant il a mis chascun plat devant le prince, il le doibt descouvrir, et puis faire l'espreuve de la lycorne, et après faire son essay avant que le prince en mange ; et se c'est viande qu'il faille trenchier, il doit prendre ung trenchoir d'argent, et mectre dessuz quatre trenchoirs de pain, et les mettre devant le prince; et devant soy doit mettre quatre trenchoirs de pain, et sus iceulx quatre2 ung autre, qui fait le cinquiesme. Et doit estre le cinquiesme trenchoir3 de la crouste, pour soustenir le faix du trenchoir et du coutteau ; et doit l'escuier prendre la chair sur son coutteau, et la mettre devant le prince ; et s'il est bon compaignon, il doit très bien mangier et soy repaistre avec le prince 4, et son droit est de mangier ce que luy demeure en la main en trenchant ; et certes s'il mange bien , le prince luy en scet bon