Six mots également omis

gré ; car en ce faisant il luy monstre appétit et seurté ; il peut aller boire au buffet, et ne luy peut on refuser le vin de la bouche ; toute la viande qui est devant le prince est sienne, pour en faire son plaisir, pourvcu que le prince mange publiquement ; car se le prince mangeoit en sa chambre à privé, en ce cas la viande est à ceulx de la chambre, et n'en auroit l'escuier trenchant que par portion. Aux quatre nataulx de l'an, le plat du prince est au prescheur qui presche ; le jour sainct Eloy, le plat est au mareschal1 qui ferre les chevaulx du prince2; et le jour de sainct George, pour l'armoyeur qui nettoyé les harnois ; et leur doit estre baillé sans refuz3. L'escuier trenchant doit nettoier ses coutteaux de la serviette en quoy estoient les trenchoirs enveloppez, et les doit tenir netz sur toutes riens4, et doit mettre en la nef pièces de bouilly et de rosty, afin que les varletz de l'aumosne ne facent leur présent et leurs5 prouffiz, mais le donnent aux povres comme il appartient, [et] l'escuier trenchant doit donner en chascune pièce deux ou trois cops de coutteau. Et quant le prince est servy d'oubliés, l'escuier trenchant doit rassambler les coutteaux et les envelopper, et couvrir l'allumelle G de sa serviette dont il les a nettoiez, et tenir la pointe en hault et les doit7 rendre au varlet servant, qui les doit recevoir moult humblement en sa main dextre ; et en la senestre doit avoir