Mot aussi omis

la gaine de ses1 coutteaux, elles rapporter en lapaneterie ; et l'escuier reprend la serviette qui est devant le prince, et la rend au sommellier de la paneterie ; et quant la table est levée, l'escuier trenchant doit estre prest pour aller au prince, et de la serviette qu'il a au col luy nettoie2 les myes de pain, ou autres choses qui luy peuvent estre cheues dessuz ; et puis va rendre sa serviette au sommellier de la paneterie ou au garde huche3 illec attendant; et par ainsi a fait4 son service. Or avons devisé du fait de l'escuier trenchant; si fault maintenant que devisons de ce qui en despend, et premier de la cuisine. L'escuier trenchant n'a nulle auctorité en la cuisine, fors seullement qu'il peut parler en la cuisine de la viande mal appointée ou mal cuitte 5, et le doit dire au maistre d'hostel, et le maistre d'hostel en advertit le queux ; toutesfois est le droit quant à escripre ou reciter, que l'on parle de Testât de la cuisine, après6 l'escuier trenchant. Et au regart d'iceluy estât de la cuisine, elle est gouvernée et conduite par deux escuiers de cuisine, après l'escuier trenchant7 qui sont comptez par termes l'ung après l'autre, et tiennent en reigle ceulx de la cuisine, et doibvent sçavoir la despense 8, et comment la viande9