Après les pages

il mect les chevaulx et les paiges en ordre après le prince, et doit estre obey1, comme dit est.

Le duc a quatre varletz de pié, iceulx2 doivent amener le cheval du prince au montoir, et le doivent aller quérir à l'escuyrie, et le mener par la bride, et non monter sus, et doivent3 bien garder que nul homme approche ledit cheval ; et depuis que le palfrenier leur a délivré le cheval du prince4 es mains, nul ne doit le attouchier ne à la selle ou à la harnassure5, s'il n'est escuier d'escuyrie ; et doivent avoir iceulx varletz de pié ung chascun ung blanc baston en sa main, sans fer et sans glaive, et ce pour reculler le peuple qu'il n'approche point le prince. Car il ne seroit pas bien séant que le povre peuple, qui amoureusement court1' après le prince, et se tire près pour le veoir, fust reculé ou féru de glaive ou de trenchant ; mais doit estre rebouté par iceluy baston qui n'a point de pointe. Les paiges, palfreniers ou varletz de pié7 doivent estre habillez paraulx; et les varletz de pié ou palfreniers font les aulmosnes avant les champs à tous les povres que le prince rencontre ; et rend compte en conscience celuy qui faict l'aulmosne de ce qu'il a donné ; et doivent les varletz de pié estre8 aux sallies et entrées de toutes villes, et aller à pié autour de son cheval, comme dit est. En icelle escuyrie a bien trente hommes servans et