Mis

8. « Les officiers d'armes se créent et baptisent à l'hostel du duc. » Phrase maladroitement intercalée ici par les précédents éditeurs. Elle se retrouvera plus loin.

de leurs chevaulx et chariotz * , et se compte le tout soubz la main du chevaulcheur, qui fait la despence par les escroes et en l'office d'escuyrie ; et doivent estre dessoubz l'escuier tous ceux qui portent esmail du prince ou enseigne armoyée des armes2, excepté l'office d'armes.

Et puisque nous avons parlé de l'office d'armes, je deviseray d'iceulx. Le duc a en son hostel six roys d'armes, huict heraulx et quatre poursuyvans, et leur sont leurs cottes d'armes délivrées et renouvellées par l'escuyrie ; mais ilz ne sont pas subjectz à l'escuier, et n'ont à respondre que au duc et à son premier chambellan ; et sont iceulx comptez par les escroes, sinon quant ils vont es voiaiges, qui sont comptez par l'argentier. Les officiers d'armes se créent et baptisent à l'hostel du duc es grans jours et es bonnes festes. Et à faire ung poursuyvant doit avoir deux heraulx, qui doivent tesmoigner qu'il est personne honneste, qu'il a discrétion et renommée de vertu et de vérité pour entrer en l'office d'armes, qui jadis furent nommez les voir disans. Le prince luy donne tel nom qu'il luy plaist, et en le nommant, le baptise de vin que les heraulx luy ont apporté en une tasse, et puis donne la tasse au poursuyvant, et la racheté communément d'ung marc d'argent; et puis les heraulx luy vestent la cotte d'armes du long des bras, et non autrement; et la doit [ainsi] porter tant qu'il soit poursuyvant, en différence des roys d'armes et heraulx. Et se le poursuivant se gouverne bien, et qu'il soit trouvé homme de