Quinze ou seize, d'après le Livre des faits, loc. cit

2.iQuoiqu'il fût « peu fourni du nécessaire, » Gérard de Roussillon offrit « un très beau disner » à Jacques de Lalaing, au juge de la joute et aux autres seigneurs (Livre des faits, loc. cit.).

aultres armes emprises, par requeste d'une part et d'aultre, entre ung escuyer de Hainnault qui accompaignoit messire Jaques de Lalain, nommé Jehan Rasoir, et ung escuyer bourguignon nommé Michaul de Certaines ; et furent icelles armes accordées d'une part et d'aultre , c'est à sçavoir qu'ilz courroient vingt cinq courses de lance à ferts esmouluz l'ung contre l'aultre, ainsi et par la manière que les chappitres du pas qui lors s'executoit contenoient; et leur fut accordé de faire leurs armes en la lice d'icelluy pas, et de courre à la toille. Ce que le bailly de Ghalon différa d'accepter, pour ce qu'il disoit que icelles armes se faisoient et entreprenoient hors de la cause du pas de la fontaine de Plours, et que, par le povoir et commandement qu'il avoit de son prince, il n'estoit commis juge en ceste partie que pour la fourniture du pas dessusdit. Mais messire Jaques luy bailla ung povoir du duc par lequel il povoit accepter d'estre juge d'icelles armes et aultres, se elles survenoient durant le pas dessusdit ; et ainsi accepta ledit bailly d'estre juge en icelles armes. Si leur fut jour baillé le samedy suyvant, et comparurent montez et armez comme en tel cas à nobles hommes appertient ; et, à l'entrée de la lice, messire Jaques de Lalain print son escuyer par la bride , et le emmena présenter au juge ; et estoit ledit Jehan Rasoir paré sur son cheval d'une couverture de drap damas violet ; et parla ledit messire Jaques pour ledit Jehan Rasoir, en le présentant moult honnorablement. Et d'aultre part se présenta Michau de Certaines sur un cheval couvert de ses armes1, dont