D'azur au cerf passant d'or

plusieurs gens s'émerveillèrent ; et sembloit à plusieurs que, considéré que les armes d'ung noble homme sont et doibvent estre l'email et la noble marque de son ancienne noblesse1, et que nullement ne se doit mettre en dangier d'estre trebuchée, renversée, abatue ne foulée si bas qu'à terre, tant que le noble homme le puist destourner ou deffendre ; car d'adventurer la riche monstre de ses armes, l'homme adventure plus que son honneur, pour ce que d'adventurer son honneur n'est despensé que le sien, et ce où chascun a povoir; mais d'adventurer ses armes, c'est mis en adventure la parure de ses parens et de son lignaige, et adventure à petit prix ce où il ne peult avoir que la quantité de sa part ; et en celle manière est mis en la mercy d'ung cheval et d'une beste inraisonnable, qui peut estre portée à terre par une dure atteinte, ou choper à par soy, ou mesmarcher ; ce que le plus preux et plus seur homme du monde ressongne bien, et doubte de porter sur son doz en tel cas.

Ainsi fut présenté Michault de Certaines ; l'accompaignoient messire Jehan, seigneur de Toulongeon, à qui il estoit serviteur et de son hostel, messire Claude et messire Tristan de Toulongeon, et plusieurs aultres nobles hommes bourguignons; et furent crys et ordonnances faictes, lances ferrées et mesurées, et baillées aux deux escuyers, qui furent chascun à son bout de la toille ; et pour deviser des deux personnaiges, ledit Jehan Rasoir fut ung petit personnaige gent, vif et de bon couraige, et moult bien à cheval ;

1. La famille de Certaines, originaire du Nivernais, remonte au xive siècle (voir la Noblesse aux États de Bourgogne, p. 146).

et ledit Michault estoit grant et puissant homme, et fort renommé homme de guerre ; et n'avoit, à celle heure, guieres moings de cinquante ans. Crys et cerimonies faictes et passées, les lances leur furent baillées, et coururent l'ung contre l'aultre vingt cinq courses de lances ; mais, ainsi que les adventures des armes sont journalles et adventureuses , ilz firent aucunes atteintes, et furent lances rompues et aggravées de toutes les deux parties. Mais, à la vérité, ledit Michault de Certaines feist plus d'atteintes que son compaignon; et fut ledit Michault blessé en la main dextre , du commencement ; mais il se blessa luy mesme à son arrest, en couchant sa lance. Et en telle manière se despartirent icelles armes ; et le seigneur de Toulongeon donna à soupper à messire Jaques de Lalain et à plusieurs nobles hommes ; et demourerent les deux escuyers bons amys de là en avant.

En ce temps le duc Charles d'Orléans, celluy dont est escript cy dessus que le bon duc Philippe de Bourgoingne le rachepta de la prison des Angloix, faisoit une guerre delà les mons, et avoit conquis la conté d'Ast en Piedmont, et mouvoit icelle guerre à l'occasion de la duchié de Millan, que le duc Charles d'Orléans disoit à luy appertenir, à cause du duc Philippe Maria, qui estoit nouvellement trespassé, et n'avoit laissé nulz hoirs de son corps ; et certes, à ce que j'ay peu sçavoir de ceste matière, ceste duchié de Millan estoit le vray heritaige du duc d'Orléans et de ses successeurs1. Car le duc d'Orléans, père du duc

1. Gonf. Mathieu d'Escouchy, en. xxn, t. I, p. 125, ch. xi/vii, p. 319, et t. II, p. 379.

Charles, eust à femme madame Agnès1 de Millan, seur du duc Philippe de Millan, lors trespassé ; et fut mère du duc Charles dessusdit ; et à ceste cause avoit esté, l'esté paravant, le duc d'Orléans en Bourgoingne, où l'on luy fit honneur et grant chiere ; et luy donna le pays dix mille frans, à la requeste et commandement du duc, son bel oncle2 ; car moult s'entramerent toute

1. Lisez : Valentine, mariée le 27 janvier 1390 à Louis Ier d'Orléans-Valois, deuxième fils de Charles V.

2. Par lettres datées de Bruxelles, le 13 février 1448 (v. st.), le duc Philippe, « en faveur et contemplacion de très haut et très puissant prince, monseigneur le duc d'Orlians, et pour souvenir aucunement à ses grans affaires, » manda à Thibaut de Neufchàtel, maréchal de Bourgogne, à Etienne Armenier, président du parlement et chef de son conseil, et autres gens du conseil et des comptes « faire assembler de par lui » par-devant le duc d'Orléans et les susdits commissaires « au lieu de Chalon sur Soone ou mois de mars les gens des trois estas de son duchié de Bourgoingne, pour illecques oïr les requestes et remonstrances » qui leur seraient faites « affin d'avoir d'eulx aucune ayde de finance pour secourir aux affaires de mondit seigneur d'Orliens , » et de faire également assembler pour le même objet ceux de la comté de Màcon et des pays de Maçonnais, Charolais et terres royales enclavées. Les États du duché se réunirent, en effet, à Chalon, le mercredi 5 mars, mais à cette journée « riens ne fut fait ne besoigné avecques lesdis des trois estas, obstant ce que ledit monseigneur d'Orliens n'y estoit venu ne envoyé. » Il y eut une seconde assemblée le dernier mars, dans laquelle les États accordèrent 8,000 fr. nets « pour cestes fois et sans préjudice du païs et aussi sans traire la chose à conséquence ou temps advenir. » Les habitants du Charolais, du Maçonnais et des terres enclavées furent imposés de leur côté à 2,000 fr., soit en tout 10,000 fr. nets qui furent remis comptant au duc d'Orléans sur un mandement adressé au receveur général par les commissaires du duc. Le surplus de l'aide, qui s'élevait en somme brute à 11,095 1. t., fut employé, comme il était d'usage, en frais de compte, dons, ambassades, messageries, etc. (Archives de la Côte-d'Or, B 1709, fol. 11 et suiv.).

leur vie. Et oultre plus, à cause que le duc de Bourgoingne n'avoit point de guerre, et que le temps estoit oyseulx, il souffrit que le duc levast gens d'armes en ses pays de Bourgoingne, et qu'ilz passassent oultre les mons pour le service du duc d'Orléans, en sa conqueste de Millau. Et advint que Louis1 de Chalon, seigneur d'Arguel, aisné filz du prince d'Orange, et lequel avoit espousé la fille du conte d'Estampes, niepce du duc d'Orléans, comme il est cy dessus escript et recité, esleva plusieurs gens d'armes bourguignons et aultres, où qu'il en peust finer, à grans coustz, fraiz et missions ; car le duc Philippe avoit longuement esté sans guerre ou division, et n'estoient les nobles hommes nullement pourveuz de chevaulx ne d'armures. Si leur lalloit donner, et cousta au seigneur d'Arguel ung grant avoir, laquelle chose son père, le prince d'Orange, ne print pas bien en grée, et quant le seigneur d'Arguel vendoit aucune chose, ou aucune des seigneuries qui luy venoient de la succession de sa mère, le prince les rachetoit ou nom de l'ung ou de deux filz qu'il avoit du second mariaige, et de la fille d'Armignac; et dont une telle rumeur et tel discord s'esmeut entre le père et le filz, que le père fist depuis plusieurs traictez au préjudice du seigneur d'Arguel et de ses hoirs, et au prouffit des enfanz qu'il avoit de celle fille d'Armignac ; et dont la maison de Chalon a esté fort aruynée, diminuée, rompue et adommaigée, comme l'on lira cy après 2. Ainsi doncques passa les