Sept coups, selon la même chronique

à besongner, par les condictions des targes de son emprinse ; et de son chief il estoit armé d'ung bassinet à une grande visière, laquelle il avoit close, et fut la seule et première fois que ledit messire Jaques combatit onques le visaige couvert. Mais les armes de l'estoc, feruz sans rabat, desiroient seureté de harnois, comme chascun qui congnoist le noble métier d'armes le peut legierement entendre. Et quant ledit messire Jaques eut empoigné l'estoc, se me sembla l'ung des beaulx et fiers hommes d'armes que oncques je veisse, et plus beau, sans comparaison, que jamais ne l'avoye veu. Marchèrent l'ung contre l'aultre, et quant Jaques d'Avanchies approucha, ainsi que à six pas de son compaignon, il s'arresta et s'afferma en sa marche dedans le sablon, le pied senextre devant et la pointe de l'estoc tournée devers son compaignon ; et monstroit bien qu'il vouloit porter et soubstenir saigement son faiz et le povoir du chevallier ; et messire Jaques marcha baudement, et celluy cop atteindit l'escuyer entre l'espaule senextre et le bord de la baviere de l'armet, ung moult grand cop; et l'escuyer atteindit messire Jaques sur le flanc senextre. Si se mirent les escoustes ordonnez entre deux, et furent reculez trois pas, comme il estoit dit par les chappitres, et pour la seconde fois marcha ledit messire Jaques sur son compaignon ; mais l'escuyer s'afferma en sa marche comme devant et mit la pointe de l'estoc au devant du cop, et le chevallier, marchant pour la seconde fois, atteindit assez près de la première atteincte très durement; mais l'escuyer soubstint froidement et saigement, n'onques n'en desmarcha. Ledit chevallier, qui moult estoit asseuré en ses affaires, ne feit autre pour-

suite, mais de luy mesme desmarcha les pas ordonnez et revint pour la tierce fois; et, pour abréger mon récit, tant continua le chevallier sa poursuite et les desmarches ordonnées, que les unze coups d'espées furent feruz par le chevalier et soubstenuz par l'escuyer, par la première forme qui dicte est, sans ce que l'escuyer fust desmarché de sa première place prinse, et ainsi les fît le juge despartir, et ainsi se retraïct chascun en son pavillon, et s'en allèrent les champions desarmer et rearmer de nouveau, pour faire les armes de cheval par eux emprinses, et dont le jour leur estoit assigné ce lundy, comme dit est ; et tandiz qu'ilz se preparoient, plusieurs allèrent disner, car il estoit grant temps, et assez tost furent les chevallier et escuyer montez et armez ; et se présenta Jaques d'Avanchies le premier devant le juge et avoit son cheval couvert de ses armes. Et d'aultre part se présenta le chevallier entrepreneur, son cheval couvert de velours noir semé de larmes bleues ; et fît prestement tendre la tente noire semée de larmes bleues, en continuant ses premières parures et ordonnances, et fut ledit Thoison d'or en ceste partie juge pour tous les deux, qui se presentoientpour la tierce fois devant luy pour accomplir l'ung à l'encontre de l'aultre les armes emprinses, requises et touchées es trois targes par ledit d'Avanchies; et après prindrent chascun son bout de la lice. Crys et cerimonies furent faictz, lances leur furent baillées, et de lapremiere'coursenefîrentpointd'atteinte. La2 seconde,

1. Selon le Livre des faits , en. lxiii, p. 233, Jacques d'Avanchier aurait requis vingt-cinq courses à cheval; mais on n'en fournit que six. Le récit de cette chronique est d'ailleurs moins développé.