A la... » et de même aux phrases suivantes

firent une rude croisée. La tierce, messire Jaques de Lalain rompit sa lance sur le grant gardebras de son compaignon. La quatriesme, firent tous deux atteinte et agravarent les fers de leurs lances. La cinquiesme, ne se trouvèrent point. La sixiesme, l'escuyer rompit sa lance parla poignée et atteindit au placart du chevallier. La septiesme, fit le chevallier atteinte et l'aultre non. La huictiesme, faillirent tous deux. La neufiesme et dernière course d'icelles armes, le chevallier atteindit sur le bort de la coiffe1 de l'armet de l'escuyer, et fut l'atteinte si grande que ladicte coiffe fut enfoncée jusques à la teste, et se le cop fust descendu aussi bien qu'il monta, certainement l'escuyer eust eu la teste faulsée, mais la poincte glissa en amont et ne fut point l'escuyer blessé, mais il fut tellement adommaigé de son armet qu'il fut conseillé de soy desporter de plus avant poursuivre, ne parfaire icelles armes ; et combien que les vingt cinq courses ne feussent achevées2, touteffois le juge tint les armes pour accomplies au contentement de tous les deux, et furent amenez et présentez au juge ; et lors touchèrent ensemble, pour ce que leur emprinse estoit achevée, et se retira chascun comme il estoit venu.

Le vendredy suyvant3, comparut de rechief l'entrepreneur devant le juge, pour la sixiesme fois d'icelluy mois, et d'aultre part comparut un escuyer de Bourgoingne, nommé Guillaume Bassam4, et lequel avoit fait