Overmeire, à 15 kil. de Termonde

et plusieurs aultres, grandement et noblement accompaignez, eulx mandez et advertiz par le duc de Bourgoingne, se partirent de leur garnison d'Allost et vindrent à Termonde et passèrent le pont en moult bel ordre, suyvant la première compaignie ; et le seigneur de Cry et sa route tiroit tousjours avant; et furent ordonnez, par manière d'avancheurs1, le seigneur de Ternant et messire Jaques de Lalain, accompaignez de Michault de Ghaugy, d'Anthoine de Lornay et aultres. Si trouvèrent les Gantois sur leur boulovart en grant nombre et en grant appareil de deffense, et me souvient que le seigneur de Ternant, en sa personne, monstra la compaignie des 2 ennemis et dit : « Beaulx « seigneurs, velà les ennemis et rebelles de nostre « prince. Or y perra3 ce jourd'huy qui bien le fera. » Et prestement furent pointes de soulliez couppées, et hommes d'armes et archiers se mirent à pied, qui mieulx mieulx. Là furent chevalliers nouveaulx faictz en grant nombre par le seigneur de Cry : Adolf, monseigneur de Cleves, Cornille, bastard de Bourgoingne, Philippe de Cry, fils du seigneur de Gimay , Jehan de la Tremoille, seigneur de Dours ; Guy de Brimeu, seigneur d'Hymbercourt ; Philippe de Crevecueur, seigneur d'Escordes, Charles, fils du seigneur de Ternant, Philippot4de Jaucourt, seigneur de Villarnoul, et grant nombre d'aultres, dont et des noms 5 je n'ay peu rete-