Pressèrent et

temps ; et le seigneur de Neufville et le seigneur de Miraumont s'y gouvernèrent vaillamment et advancerent leurs pennons et leurs enseignes tellement que ledit de Gommercy se mist en fuyte avec ses gens; et furent iceulx poursuyviz de pied et de cheval tellement que plusieurs y furent mors, prins et blessez, et se retrahirent les gens d'armes à leur siège, et chascun en sa garde et ordonnance ; et disoit on que le damoiseau de Gommercy avoit bien amené douze cens chevaulx1, et les tenans le siège pouv oient estre cinq cens combatans. Mais, ainçois que je parte hors de ce propos, je reviendray à Jaquemin de Beaumont, et comment cauteleusement il se conduisoit durant l'escarmouche.

Ledit Jaquemin, veant l'escarmouche dressée du costé de la porte, et que tous gens d'armes du siège estoient tirez à leurs enseignes et ensongnez pour la bataille, il mena et conduisit tous ses gens de guerre au long de la muraille d'icelluy costé et leur ordonna leurs places et leurs gardes, et tandis ung sien privé serviteur luy appresta une corde; et si tost qu'il revinst, il se desvala par la fenestre et prinst ung chemin privé qu'il sçavoit, et tant fist qu'il arriva devers le damoiseaul de Commercy, son maistre; et ainsi s'eschappa ledit Jaquemin de Beaumont du chasteau de Villy. Et n'est pas à oublier que le damoiseaul de Gommercy ne sceust faire son assemblée si secrètement que le duc de Bourgoingne ne fust averti ; et se doubtoit on bien que celle assemblée se faisoit pour cuyder lever le siège de Villy ; et par licence du