Mil combattans, » dit Monstrelet

duc, Jaques de Lalain, qui estoit josne escuyer et de grant vouloir, et desiroit de soy trouver en lieu pour faire congnoistre son cueur et son noble désir, se partit de la court et esleva environ vingt hommes d'armes pour cuyder venir à l'aide du seigneur de Saveuses et de ceulx qui le siège tenoient, comme dit est. Mais quelque diligence qu'ilz firent ilz vindrent tart, et estoit l'escarmouche passée et faicte, dont ledit Jaques et ses compaignons furent moult desplaisans, et se tirèrent à Ywis, où ilz furent sept ou huit jours, et tous les jours aucungs visitoient le siège ; et advint que cinq ou six jours après l'eschappement de Jaquemin de Beaumont, le dessusdit s'accompaigna de dix hommes d'armes et vint à ung bocquet près d'ung ruisseau d'eaue qui abreuve la prée, et y mist son embusche le plus secrètement qu'il le seut faire ; et ce jour se partirent deux escuyers de la ville de Ywis et de ceulx qui estoient venuz avec ledit Jaques de Lalain, et se nommoient l'ung Jehan de Rochebaron et l'aultre Estor du Soret, et tiroient devers ceulx du siège, comme journellement faisoient, et alloient les ungs vers les aultres. Les deux escuyers avoient chascun ung paige après eulx, qui portoyent leurs lances, et estoient bien montez et armez ; et quand ilz furent oultre l'embusche, lors se descouvrit ledit Jaquemin en son embusche et enclouyrent les deux escuyers, qui prestement prindrent leurs lances et promirent de demourer l'ung avec l'autre. Les deux escuyers ferirent au millieu, comme gens de bien qu'ilz estoient, et employèrent leurs lances, et passa Jehan de Rochebaron tout oultre, et se feust bien sauvé s'il eust voulu, mais tourna et vit son compaignon qui avoit

l'espée au poing et se deffendoit au millieu de ses ennemis. Si retourna ledit de Rochebaron et se deffendirent tellement que ledit Estor du Soret fust desenveloppé de la presse et s'en povoit aller, car les aultres estoient sur son compaignon. Mais unques n'abandonnèrent l'ung l'aultre, mais navrèrent et blessèrent plusieurs de leurs ennemis, et finablement furent prins et menés à Chavancy, où ilz furent puis longuement prisonniers. Et semble que le compte ne faisoit à oublier pour monstrer la vaillance des deux escuyers et la loyaulté qu'ilz se portoientl'ungà l'aultre. Si emmena Jaquemin de Beaumont sa proye, et ne demoura guieres après que ceulx qui tenoient la place de Villy se rendirent à la voulenté du duc, et fust la place destruitte et rasée, et pardonna le duc aux compaignons de guerre, et depuis se servit d'eulx le duc et principallement de Guillaume d'Aron1, qui demeura souldoyer à Lucembourg, soubz Gornille, bastard de Bourgoingne, qui deppuis fut2 gouverneur du pays, comme l'on trouvera cy après.

Ces choses faictes et advenues, le duc de Bourgoingne3 se partit de Florehenges et se retira à Ywis pour veoir la duchesse, sa femme, qui estoit revenue des marches de Brabant et de Flandres, et la saison tiroit fort à l'iver, comme à my octobre. Et fist le duc retirer son armée, que conduisoit le conte d'Estempes et le bastard de Bourgoingne, [et] se logèrent en la vile d'Ais, qui est à quatre lieues de Lucembourg, auquel lieu certes ilz furent froidement et mal logez, car c'est une

i. Lisez : d'Aurou ou d'Auroul.