Escoutes, surveillants, gardes

Et si tost qu'il entra en la lice, il sauta de plain sault hors de sa selle, aussi ligierement, tout armé, que s'il n'eust heu que le pourpoint. Le conte d'Estempes le présenta devant le duc, qui le receut moult cordialement, et se retraïst en son pavillon. Les crys furent faictz et les deffenses en tel cas accoustumées, et le seigneur de Humieres, comme lieutenant du mareschal de Bourgoingne, accompaigné des roys d'armes et heraulx, vint au pavillon du seigneur de Ternant et luy demanda les lances dont il debvoit les armes commencer, selon le contenu de ses chappitres. Si luy furent incontinent les lances baillées, toutes prestes et ferrées d'une façon et d'une longueur comme il appartenons Si les présenta ledit mareschal à Galiot, luy oufïrant de prandre, pour sa part, laquelle des deux lances qui luy plairoit. Si en choisit une et fut l'aultre rapportée au seigneur de Ternant.

Sur le point de trois heures, le seigneur de Ternant saillit hors de son pavillon, sa cotte d'armes au doz, bassinet en teste, à visière close. Et fit une grande croix de sa main dextre ; et lui bailla le conte de Sainct Pol sa lance, laquelle il mist en ses deux mains, c'est à sçavoir qu'il avoit le bout en sa paulme dextre, et de la senestre main tenoit sa lance à contrepois, et la portoit plus droicte que couchiée, et marchoit froidement et d'une marche pesante et asseurée, et certes il sembloit bien chevalier de dure rencontre. Et d'aultre part saillit de son pavillon Galiot de Baltasin, sa cotte d'armes vestue, le bassinet en la teste, et visière close ; et après qu'il se fut seigné de sa bannerolle, le conte d'Estempes luy bailla sa lance, laquelle il print, et la portoit à la façon commune,

ainsi que l'on tient une lance pour pousser. Beau personnaige fut l'escuyer, et si tost qu'il tint sa lance, il la commença à manier et escourre, comme s'il ne tint que une flèche d'archier ; et fît un sault ou deux en l'air si ligier et si viste , que l'on veoit bien que harnois et habillement qu'il eust ne luy grevoit riens, et marchoit à l'encontre de sa partie moult vigoureusement. Et se vindrent rencontrer de poux de lance si durement, que de ce cop agrava Galiot le fert de sa lance, et en rompit bien demi doy; et le seigneur de Ternant atteindit Galiot en costiere de bassinet, et luy faulsa ledit bassinet à jour; et print le seigneur de Ternant une manière de marche qu'il continua, que, au donner le coup, il mectoit le pied, en prenant sa marche, près d'ung pied de profond dedans le sablon. Ce cop féru, les gardes se misrent entre deux pour rompre que nulle poursuytte ne se fist, et vindrent les roys d'armes, et aportarent une cordelle où estoient mesurez les sept pas dont ils debvoient reculer, pour donner chascun poux de lances, comme il est desclairé es chappitres cy dessus escriptz1 ; et estoit chascun pas marqué à neux ; et despuis j'ay demandé aux officiers d'armes par quelle manière de mesurer estoient lesdits pas mis en mesure. Sur quoy me fut respondu que chascun pas fut prins pour deux piedz et demy, à mesurer par la main d'ung chevalier, ou pour le moins de la main d'ung noble homme ; et que ceux là estoient mesurez par le mareschal de la lice, estant ce cas du dépendant de son office. Ainsi furent les sept pas mesurez de chascun cousté, et, les champions

1. Trois mots omis dans les éditions précédentes, et, plus haut, « estoit » au lieu de : est.

reculiez à leur mesure, leur furent lances renouvellées, au choix de Galiot; et sur ce point marchèrent pour la seconde fois, et firent tous deux très dure atteinte. Puis remarcherent pour la tierce fois, et rencontrèrent si durement, que le seigneur de Ternant rompit et aggrava toute la pointe de sa lance, et Galiot rompit la sienne par le milieu du fust. Et, pour abréger le récit d'icelles armes, ilz accomplirent les sept poux ordonnez parles chappitres, moult chevaleureusementaccompliz. Les armes de la lance accomplies, les champions retournèrent en leurs pavillons, pour eux raffreschir et préparer, et furent présentez par le mareschal à Galiot de Baltasin deux estocz, que l'on nomme espées d'armes, et certes je ne veiz onques puis deux plus beaulx ne plus puissans bastons. Ledit Galiot en choisit une, et l'aultre fut rapportée au seigneur de Ternant, lequel assez tost après saillit hors de son pavillon, armé comme dessus; mais, en lieu de sa cotte d'armes, il avoit vestu une parure à manches d'ung satin blanc, tout decopé à manière d'escailles, broudé et chargé d'orfavrerie d'or branlant par moult gente façon. Et me fist souvenir, à le veoir, de l'ung des neuf preux, ainsi que on les figure. Il tenoit son espée, la main senestre devant, et renversée et couverte de sa rondelle. Et de l'aultre part saillit de son pavillon Galiot de Baltasin, son espée empoignée comme il appertenoit, et marchèrent l'ung à l'encontre de l'aultre, et se rencontrèrent d'une moult dure atteinte ; prestement se mirent les gardes entre deux pour garder la poursuyte, et les officiers d'armes apportaient les mesures qui contenoient la longueur de cinq pas, et furent mesurez pour chascun cousté, et

prestement recommencèrent leurs armes. Et de ce rencontre le seigneur de Ternant donna un si grand cop à son compaignon qu'il faulça le bassinet à jour, et fut celle atteinte assez près du cop de la lance. A la tierce venue, Galiot consuyvit le seigneur de Ternant ou bas de l'espaule dextre, et du cop luy faulsa le gardebras, et l'emporta au bout de son espée. Si fut prestement le seigneur de Ternant rearmé sur la place et revindrent pour la quatriesme fois; et se rencontrarent tous deux si durement, qu'ilz aggravèrent les poinctes de leurs espées, et convint en rappourter deux aultres. A la cinquiesme venue, le seigneur de Ternant, qui marchoit et feroit à coup d'aguet, surprint ledit Galiot, et luy donna si grande atteinte ou haut de la pièce, qu'il desmarcha ledit Galiot. Et la sixiesme venue, ledit Galiot frappa sur la rondelle du seigneur de Ternant et la rompit, et là convint rechanger d'espées. La1 septiesme venue, se rencontrarent très durement. La huictiesme, ledit Galiot assit sur le gantelet du seigneur de Ternant et le faulça tout oultre, et cuidarent plusieurs qu'il eust la main faulcée, mais par bonne adventure il ne fut point blessé, et luy furent aultres ganteletz rebaillez ; et parfirent les onze poux d'espée, bien et durement feruz et accompliz, puis se retraïrent en leurs pavillons.

Le mareschal de la lice fut saisi des deux haches pour la parfourniture d'icelles armes à pied, lequel prestement les présenta à Galiot pour choisir celle qui luy plairoit. Si print ledit Galiot à son choix et, l'aultre rapportée au seigneur de Ternant , il ne targea