Le mercredi 27 ou le jeudi

montez sur les meilleurs coursiers ou roussins qui feussent en la court du duc de Bourgoingne, et avoient chascun un gros court baston à la main, sans fert et sans pointe. Et ne demeura guieres que le seigneur de Ternant arriva en la lice, armé de toutes pièces, fors que de la teste. Il estoit monté sur ung coursier couvert d'une couverture eschacquetée de ses plaines armes, et chargée d'orfavrerie branlant, et après luy venoient deux officiers d'armes, qui menoient un aultre coursier par la bride. Cestuy coursier estoit vestu et cousu près de luy, comme de sa peau, d'un drap damas my party de bleu et de noir, qui furent les couleurs d'iceluy seigneur, et estoit celle parure broudée de fil d'or à manière de metz1, et avoit ledit coursier la creingne, le toupet et la quehue tout de fil d'or, et fut le cheval ensellé de selle estoffée de mesme, et d'ung petit harnois de velours cramoisy, assiz à la manière d'un harnois de cheval d'Allemaigne, et fut celle nouvelle parure moult aggreable et fort regardée. Ainsi se présenta au duc, puis se retrayct à son bout de la lice, pour soi armer de la teste. D'aultre part vint Galiot armé de toutes armes, l'armet en la teste, à un grand plumas d'Ytalie, et estoit son cheval, qui fut un puissant roussin, couvert d'une barde de cuir de bouffie peincte à sa devise, qui fut à manière de ceinctures tortivées, et avoient au chanfrain, au poictrail et es flangs de la barde grandes dagues d'assier. Il estoit suyvy de trois chevaulx couvertz de soye et d'orfavrerie de diverse sorte, et dont je n'ay pas bien souvenance. Et si tost que le

l. Lautens de Gand croit qu'il faut lire mots ou nœuds.

mareschal de la lice s'apperceut des dagues dont la barde dudit Galiot estoit armée , il se tira devers le duc et l'advertit de ce qu'il avoit veu. Si envoya le duc, comme juge, le roy d'armes de la Thoison d'or, qui dit à Galiot, à l'entrée de la lice, que l'on n'avoit point accoustumé de porter en lice ou noble champ cloz, dagues ou poinctures en habillemens de chevaulx, et que c'estoit chose deffendue contre estatutz d'armes nommées et contre les chappitres et emprinses du seigneur de Ternant. Sur quoy l'escuyer s'escusa moult courtoisement et prestement fit toutes icelles dagues oster, et puis se présenta devant le duc moult humblement, et se retira à son bout. Le mareschal se tira devers le seigneur de Ternant pour avoir les lances et les espées dont ilz debvoient les armes fournir. Si luy furent baillées, et il les présenta à Galiot qui choisit une lance et une espée, et les aultres furent baillées au seigneur de Ternant. Si se préparèrent les champions et tandis se firent les crys accoustumez, et fut chascun retiré à son ordonnance. Si mirent chascun la lance sur la cuisse. Le seigneur de Ternant avoit ceint son espée comme on les porte à la guerre communément, et Galiot avoit mis la sienne en sa main senestre, toute nue, et la tenoit avec la bride. Si brocharent l'ung à l'encontre de l'aultre. Et vit on bien à leur manière de courir que le seigneur de Ternant vouloit et queroit d'employer sa lance. Mais Galiot, qui se sentoit fort et puissamment monté, querut le rencontre des chevaulx et croisa comme à la for course, tellement qu'ilz se rencontrarent et des corps et des chevaulx si durement que le seigneur de Ternant fut abattu sur son cul, mais le coursier fut bon et le chevalier adroit, et

se releva, et de ce cop la corroyé de l'espée du seigneur de Ternant rompit, et se tourna l'espée en sa guaine, pendant sur la croupe du cheval, et ledit de Ternant se desarma d'une visière dont il estoit armé et cuyda mectre la main à l'espée, mais il ne la peust avoir ne trouver, et Galiot, qui prestement fut saisi de son espée, courut sus au seigneur de Ternant et lui donna plusieurs coups d'espée de hault et de taille. Et quand ledit de Ternant congnust qu'il ne pouvoit son espée recouvrer, il changea de main à la bride, et ferit le coursier des espérons, et se monstra au devant de son compaignon, et rabattit plusieurs coups d'espée à la main ouverte, et, en démenant et remuant son cheval, l'espée, qui desjà pendoit contre les flans du cheval, vuida hors de sa guaine et cheut sur le sablon; et prestement le duc, comme juge, fit mectre les gardes entre deux et fit rebailler au seigneur de Ternantson espée, car, parles chappitrescy dessus1 escriptz, les2 champions dessaisis de leurs bastons, on les devoit et povoit ressaisir, et le duc, qui moult bien se congnoissoit en tel cas, ne tenoit point qu'il fust dessaisi de son espée tant qu'elle tint à luy, et jusques à ce que elle fust toute hors de sa guaine et cheute sur le sablon comme dit est. Ainsi fut le seigneur de Ternant ressaisi de son espée, et se retira chascun, et se coururent sus moult asprement. Galiot feroit de hault et de taille moult grans coups, et le seigneur de Ternant ferit deux coups de hault, l'ung devant main et l'aultre renvers, et puis se joindirent les chevaulx, et commença le seigneur de Ternant à charger et à quérir son com-