D'or au créquier de gueules

]%i- MÉMOIRES D'OLIVIER DE LA MARCHE.

mesler entre les deuxmariaiges aucune alliance d'aultre nature ou condiction, fors tousjours de bannière en bannière, comme dit est. A la requeste de l'escuyer angloix, la contesse d'Estampes et toutes les dames de la court furent présentes à voir icelles armes1; mais la duchesse n'y voulut point estre en sa personne, ne aussi je ne l'avoye jamais veu advenir, et mesmement à faire armes de pied. Toutefois les dames y furent à celle fois. L' Angloix estoit accompaigné de tous les chevaliers et escuyers de l'hostel de la duchesse, et se présenta tout desarmé, et puis tira en son pavillon.

D'aultre part vint messire Jaques de Lalain, accompaigné du baron de Beaujeu, nepveur du duc, et d'aultre moult grant seigneurie, ses parens et amis2, et me souvient que, pour faire honneur au noble chevalier, ledit seigneur de Beaujeu3, le seigneur de Ravestin4, le bastard de Bourgoingne et moult d'aultres seigneurs et nobles hommes s'estoient parez de robes de satin gris et pourpoinctz cramoisy, et venoient deux à deux devant le chevalier, qui estoit adextré des deux princes dessusditz, cousins germains. Il estoit vestu d'une longue robe de celle parure et estoit armé de son harnois de jambe seullement, et, à l'entrée de la lice, se seigna à pied, et en telle ordonnance marcha

1. L'auteur du Livre des faits de Jacques de Lalaing (chap. xlvi, t. VIII des Œuvres de Chastellain, édit. Kervyn de Lettenhove, p. 182) cite parmi ces dames la duchesse de Clèves, Marie de Bourgogne, veuve en 1448 du duc Adolphe IV.

2. Entre autres, le seigneur de Gréqui et Simon de Lalaing, ses oncles. (Id.)