Philippe de Bourbon, déjà plusieurs fois nommé

4. Adolphe de Clèves, seigneur de Ravestein, frère du duc Jean Ier.

jusques devant le duc, son souverain seigneur et juge, qui le receupt, et s'en retourna en son pavillon. Devoirs, crys et cerimonies furent faictz, et tandiz chascun champion envoya présenter son baston au juge; car chascun povoit porter telle hache, et de telle façon que bon luy sembloit ; mais le bon duc avoit accoustumé luy mesme de visiter les basions dont l'on debvoit devant luy combatre ou faire armes, pour ce que pour riens n'eust voulu souffrir que soubz son jugement nulle chose mal enseigneuse, ou de fraulde, eust esté faicte. Messire Jaques fit présenter une longue hache à poincte dessus, et de ung costé ung bec que on dit de faulcon, et de l'aultre un mail rond, à trois pointes de diamant, et au dessoubz de la hache une bonne forte dague. Et la hache de l'Angloix fut une forte hache poinctue dessoubz, et un grant taillant d'ung costé, et de l'aultre un long mail; et plus bas avoit rondelle pour la garde de la main, et dessoubz fut poinctue d'une courte dague l . Les bastons furent rapportez, et les gardes ordonnez. L'Anglois saillit hors de son pavillon, armé de toutes armes, sa cotte d'armes vestue, le bassinet en la teste, la visière bien close et fermée; et portoit sa hache, sa main dextre armée, et couverte de la rondelle de la hache; et povoit on legierement juger qu'il estoit desliberé de faire sa bataille de la teste de la hache. Et d'aultre part saillit messire Jaques de Lalain armé, sa cotte d'armes

1. L'Anglais avait apporté sa hache d'Angleterre, et le duc, qui ne la jugeait pas semblable à celle de Jacques de Lalaing, ne voulut pas lui permettre de s'en servir sans le consentement de son adversaire, ce que celui-ci lui « accorda, » parce qu'il était « courtois sur tous hommes par sa débonnaireté. » {Livre des faits de Jacques de Lalaing, chap. xlvi, eod. loe., p. 184.)

vestue ; et en sa teste avoit une petite sallade de guerre toute ronde, et avoit le visaige et le col tout descouvert ; et portoit sa hache près de luy, et à contre pois, pour assaillir et pour deffendre duquel des deux boutz dont il verroit son advantaige ; et, en marchant froidement, s'agenoilla devant le duc; et l'Angloix marchoit fièrement et de grant couraige, et, à l'aborder, messire Jaques luy gecta ung estoc à la visière, de la quehue de sa hache ; mais il ne l'enfferra point ; et l'Anglois feroit de toute sa force après ledit messire Jaques, et feroit de mail, de taille et d'estoc, après le visaige, qu'il veoit nud et descouvert. Mais le chevalier sçavoit marchier et desmarchier, et estoit si adroit et si chevaleureux, que l'Angloix ne prouffitoit riens en son assault, et, quant il veoit son advantaige, il donnoit à tours de bras de la teste de sa hache sur le bassinet de l'Angloix ; et par plusieurs fois l'atteindit de coups si pesans, que ung moins puissant l'eust à grand meschief soubstenu sans cheoir à terre. Mais l'Angloix avoit assez puissance, et beaucoup hardement et couraige; et quant il veit que le chevalier l'assailloit si fièrement, il amodera sa bataille, et se gardoit et contregardoit plus froidement qu'il n'avoit commencé ; et messire Jaques poursuyvoit moult fièrement ; et advint que ledit messire Jaques gecta, du bout d'embas de sa hache, pour cuyder enferrer l'Angloix en la visière; et l'Angloix gecta l'estoc de la teste de sa hache au devant du cop, et trouva par meschief le gantelet dudit messire Jaques ouvert, et la dague, tranchante et aguë, luy percea le bras senestre rez à rez de la main, tout oultre. Messire Jaques retira son bras qui saignoit à moult grant

randon1, et cuyda rempoigner sa hache d'une grant desmarche ; mais il ne se peust de la main aydier, car il avoit les nerfs coupez ou grevez2. Et quant le bon chevalier se veit en tel party, il mit sa hache sous son bras senestre, la quehue devant, à la manière que une femme tient le baston de quoy elle file ; et, de la main dextre, à l'ayde de la hache, rabatoit tous les coupz que l'Angloix gectoit sur luy, fors d'estoc ou de mail 3. Lequel Angloix avoit recommencé son assault moult fier et moult aspre ; et le chevalier levoit à la fois le bras blessé, et secouoit le gantelet; et sembloit à d'aucungs qu'il le faisoit pour remectre son sang au corps, et dont il perdoit largement; et sembloit à d'aultres qu'il vouloit monstrer au duc, son seigneur et juge, qu'il ne luy alloit que bien, et qu'il leur laissast achever. Et est bien besoing que je touche de la constance du bon juge le noble duc dessusdit; car il ne faut pas ignorer qu'il ne aimast cordialement ledit messire Jaques, son subgect et son serviteur, et telle apparence de chevalier, de beaulté et d'espreuve, que l'on ne nommera nulle part meilleur chevalier de luy ; et le veoit en tel dangier qu'il ne se povoit ayder que d'une main, et n'est pas à doubter que, se l'Angloix eust esté en tel dangier ou pareil , que le duc n'eust incontinent rompu la bataille ; mais il ne vouloit pas estre noté, en son jugement, d'avoir desparti les champions à l'advantaige de l'estrangier, et en con-