Et de mail

tregardant son serviteur. Si remit le tout en la fiance qu'il avoit en Dieu, et en la chevallerie de son chevallier ; [et] laissa les armes achever selon le contenu des chappitres, et de l'emprinse acordée et conclute par les parties, dont il advint que messire Jaques de Lalain, qui froidement et par grande asseurance soubstint l'assault de l'Angloix, gecta la quehue de sa hache entre la hache et le corps de son compaignon, et entra près de luy; et, de l'entrée, il rua le bras navré au col de son homme, et de la main dextre le print par le gros du bassinet. L'Angloix estoit pesantement armé, et messire Jaques l'estoit legierement ; et ainsi tira son compaignon de toute sa force, et d'une grande desmarche ; et de ce cop rua l'Angloix , la visière dedans le sablon , et tout plat estendu i ; et prestement, sa hache au poing, se tira devant le juge. L'Angloix fut relevé par les gardes, et fut admené devant le duc ; et disoit qu'il n'avoit pas esté abbatu de tout le corps à terre, et qu'il n'estoit cheu que à genoulx et à coudes. Si fut devant le mareschal la matière mise en preuve, et fut preuve par nobles hommes qu'il estoit cheu de tout le corps à terre 2,

1. L'auteur du Livre des faits de Jacques de Lalaing remarque que, « si messire Jacques eust voulu, il estoit en luy de l'occire et mettre à mort, mais le noble courage qui estoit en luy pour rien ne l'eust voulu consentir. » (Ghap. xlvii, eod. loc, p. 185.)

2. Le même Livre entre dans plus de détails sur le jugement porté à cet égard par les juges du camp, c'est-à-dire par le conseil des notables étrangers et autres chevaliers qui avaient assisté à la lutte, [là.) Il ajoute que Jacques de Lalaing « quitta l'Anglois d'envoyer son gantelet, ainsy que faire le devoit, s'il eust plu à iceluy messire Jacques, » et que ce dernier envoya « un très beau et riche diamant » à son adversaire, ainsi qu'un beau cheval avec son harnais complet. (Id.)

et que les armes, par celle cheute, estoient duement accomplies. Si touchèrent ensemble ; et, avant que l'on partist de la lice, en la présence du duc, des dames et des seigneurs, fut cryé ung noble pas d'armes dont ledit messire Jaques estoit l'entrepreneur, et lequel pas fut depuis gardé et soubstenu par ledit messire Jaques, au lieu de Chalon sur la Sosne, ung an entier, et dont d'iceulx chappitres la teneur s'en suit i .