CHAPITRE XIX

Comment le seigneur de Haubourdin, continuant son emprise du pas de la Pèlerine, fit armes contre le bastard de Bearne.

En celluy temps, et assez tost après, et avant que l'on ostast les lices préparées pour les armes dessus dites, messire Bernard de Bearne, bastard de Fois, arriva à Bruges ; et fut baillié jour à luy et au seigneur de Haulbourdin, qui se nommoit en ceste partie encores le chevalier de la belle Pèlerine, en continuant l'emprinse de son pas, tenu emprès Sainct Orner, comme il est cy dessus escript. Et combien que ledit seigneur de Haulbourdin se nommoit comme entrepreneur, touteffois, pour ce que ledit messire Bernard vint hors du temps que le pas estoit limité, les deux

1. Dix mots supprimés dans les éditions précédentes. — Ces « chappitres » n'ont pas été transcrits dans le ms. n" 2869, mais ils se trouvent dans le Livre des faits de Jacques de Lalaing , chap. xlviii, eod. loc., p. 188, et dans Mathieu d'Escouchy, chap. xl, t. I, p. 2G4-273.

il 9

chevaliers d'ung commun accord muarent la forme des chappitres en aultres armes, et povoient chascun apporter telle hache qu'il luy plairoit4, et debvoient gecter un gect de lance, et combatre desdictes haches jusques à baston perdu, ou estre porté l'ung par terre. Au jour ordonné, messire Bernard entra en la lice armé de toutes armes, la cotte d'armes de Fois2 vestue, à la barre traversant, comme il appertenoit à bastard de celle maison; et ainsi se présenta, et puis alla en son pavillon. Tost après entra le seigneur de Haulbourdin, la cotte d'armes de Lancelot du Lac au doz, le bassinet en la teste, la visière close, et devant luy les six escuyers qui en habit de pèlerins l'avoient accompaigné au pas de la Pèlerine ; et se présenta devant le duc, et le menoit le seigneur de Ternant, qui le présenta comme chevalier de la Pèlerine ; et se retrait iceluy chevalier en son pavillon, qui fut armoyé des armes de Lancelot du Lac, à la bande de Benouhic3. Tantost après, chascun des deux champions envoyèrent présenter les bastons dont ils debvoient combatre. Et fut la hache du chevalier à la Pèlerine ung bec de faulcon commung, à bonne et pesante dague dessus et dessoubs. Et celle que fit présenter messire Bernard fut une hache à bec de

1. D'après les premiers « chappitres » du pas, on devait « combattre de hache à dague, tant que xvn coups soient feruz et assis par l'un des deux chevalliers, » et les haches devaient être « touttes samblables, dont le chevallier estrangier avéra le choix. »

2. Écartelé, aux 1 et 4, d'or à trois pals de gueules, qui est de Foix, aux 2 et 3, d'or à deux vaches de gueules, l'une sur Vautre, accornées, colletées et clarinées d'azur, qui est de Béarn.

3. D'argent à la bande de gueules. (Voy. Math. d'Escouchy, 1. 1, p. 251.)

faulcon commung, mais la dague de dessoubs fut longue et desliée, et de la façon qu'elle1 pouvoit legierement entrer es trous de la visière d'un bassinet, et de sa longueur pouvoit porter grant dommaige au visaige de son compaignon. Le seigneur de Haulbourdin fut adverti de la subtiveté de ladicte hache. Si dit qu'il ne donroit pas à son compaignon tant de peine que de perser la visière de son bassinet ; et prestement le fit desclouer et oster de tout poinct, si que le visaige luy demoura tout descouvert ; et fit oster les blasons qui estoient sur son pavillon, qui furent de Benouhic, et y demeurèrent autres blasons des armes de Lucembourg, à la bande traversant de Lusinan. Quant les gardes furent venus, et crys et cerimonies faictz et accompliz, le bastard de Bearne saillit de son pavillon, la visière close, la lance au poing dextre, et la hache et le targon d'assier à la senestre ; et estoit grant chevalier et puissant. Et d'aultre part saillit le bastard de Sainct Pol, armé de toutes armes, la cotte d'armes des armes de Lucembourg 2 au doz , bassinet en teste, sans visière, ne aultre couverture ou ayde au visaige ; et estoit embastonné de lance et de hache, et aydé d'un targon3 d'assier. Fièrement marcharent les deux chevaliers l'ung sur l'aultre, et gecta le seigneur de Haulbourdin sa lance le premier. Et ledit messire Bernard desmarcha en costiere, si que il ne