d'après Barante, édition Gachard, t. II, p

telle diligence qu'ilz surprindrent ceulx qui emmenoyent ledit Angloix en un villaige ; les prindrent prisonniers, et ramenèrent ledit Angloix ; et fut seeu par iceulx, et par lectres, que ledit seigneur de Ternant adressoit icelluy prisonnier au seigneur de Mongay1, en l'Isle de France, lequel avoit espousé une fille de Roye, seur de la dame de Ternant. Le cas de l' Angloix fut fort porté par la duchesse, et mesmes n'estoit jà ledit seigneur de Ternant fort en grâce, et fut mis avant que l' Angloix avoit seureté et sauf conduit ; et, combien que le duc aymat le seigneur de Ternant beaucop, estant son tiers chambellan, et moult privé de sa personne, il le print prisonnier, et l'envoya au chastel de Gourtray, où il fut plus d'ung an, à grans fraiz et à grans despens ; et despuis le délivra le duc, mais non pas à son profïit, car il restitua tout l'interest dudit Angloix, qui luy fut ung merveilleux dommaige.

Ainsi se passa l'an quarante huit sans aultre adventure, et une partie de l'an quarante neuf; et faisoit le duc grans chieres et grans festimens par ses bonnes villes, où il estoit moult aymé et voulentiers veu. Et maintenant nous rentrerons à reciter le noble pas que tint ung an entier le bon et vertueulx messire Jaques de Lalain ou pays de Bourgoingne, et les nobles armes qu'il y fit, et à quels nobles hommes il besongna. Mais avant est besoing que je clarifie2 une question qui

1. Pierre d'Orgemont, seigneur de Montjay, marié à Marie, fille de Mathieu de Roye, maréchal de France, et de Marguerite de Ghistelles, sa première femme; sa belle-sœur, Isabeau de Roye, avait épousé Philippe, seigneur de Ternant.