LA NOBLE FESTE DU THOISON D'OR

FAITE ET COMPOSÉE PAR ET COMME s'eNSUTT ^ .

Mon souverain seigneur, mon prince et mon maistre, je, Olivier, seigneur de la Marche, indigne premier maistre d'hostel de vostre noble maison, mes en vostre noble main, comme chief de Tordre de la noble Thoison d'or, ceste espitre que j'ay faicte et composée pour les raisons cy après escriptz.

Il' est notoire que suis en la Lxxvi® année de ma vie et n'a plus le corps que le bon vouloir et ne vous puis suyvre ne servir comme je vouldroye. Et pourroit estre que par faulte de vie ou pour non povoir labeur de mon corps, je ne pourroye estre es lieux où vous tiendrez la sollempnité de la noble feste de la Thoison. Et pour ce que, par la grâce de Dieu et par ma longue vie, et meismes que j'ay esté long temps maistre d'hostel tant de feu le duc Charles, que Dieu absoille, du Roy vostre père comme de vous, et meismes ay'veu celle solempnité tenir par plusieurs fois moult soUempnellement par le duc Philippe, vostre ayeul, premier

1. Transcrit sur le ms. n» 5046, fonds français, de la Bibliothèque nationale, fol. Lxxvn. *

fondateur d'iceUe ordre, ayant regard que c'est le principal parement de vostre maison et l'honneur que vous devez maintenir et exaucer*, et rebouter ceulx qui le vouldroient recuUer ou estaindre, car par ce moien vous et voz confrères aurez et avez en plusieurs grans et notables aliances fraternelles, comme Empereurs, Roys, ducz, contes, barons et chevaliers de haulte et grande renommée, et pour ces causes je me délite et prens le labeur et traveil de mon entendement de mettre par escript la manière de tenir et solempniser ceste haulte solempnité tant à l'ordre qu'il appertient de tenir à icelle feste soit à l'église, à la maison et aux séances des salles et des tables. Et se vostre grand maistre d'hostel n'estoit occupé au conclave et aux affaires de vostre dit ordre dont il est confrère et chevalier, il ne seroit ja besoing que je m'entremise de donner règle et ordre en ceste matière, mais, pour ce qu'il n'y peult estre et qui peult advenir que mes compaignons en l'office de maistre d'hostel presens et advenir n'ont point tant veù de ceste matière que j'ay, priant d'estre excusé en mes deffaultes et ignorances, je menray fin*, se Dieu plaist, mon œuvre' commencée en toute bonne affection, et, ^ comme j'ay dit, mettray ceste espitre en une noble ♦ main, affin que, s'il y a chose dont voz maistres d'hostelz se puissent servir, vous les leur baillez pour avoir leur advis. Et à eulx et à leur souvenance je recommande le viellart.

Et pour mettre si haulte et si solempnelle œuvre en