Lequel

SfÉBiOIRES d'olivier DE LA MARCHE. 39

son, après SK>n essay fait, mect la tasse sur la table devant luy , et puis assiet le gobellet devant le prince, et descœuvre le gobellet, et doibt mettre le couvercle reposer* devant icelle tasse, jusques à ce que le prince ait fait son bon plaisir ; et doibt reporter son gobellet couvert au buffet, et rendre au sommellier ; et, la nappe et la table levées, il doibt reprendre les bacins, et porter à laver au duc pour la seconde fois. Et se doibvent faire essay et cérémonies par la manière dessusdicte, et se doit mettre l'eschanson ^ devant le prince entre Fescuier trenchant et le panetier, qui tiennent les deux bouts de la serviette, comme il est escript cy dessus, et doit asseoir le bacin qu'il cœuvre sus la table devant le prince, et de l'autre donner l'eaue. Et puis raporte ses bacins et les rend au sommellier, et reprend le gobellet et la tasse, et puis s'en revont en Teschansonnerie comme ilz sont venus. Le premier eschanson, ou autre eschanson en son absence, apporte le gobellet à tous estaz et à toutes assemblées d'estat et d'honneur. Et combien que ung prince ou que ung grant seigneur serve du drageoir, toutesfois l'eschanson doit servir du gobellet ; et fait on tort à un gentil homme de luy oster le gobellet qu'il a apporté pour le mettre en une autre main, et ne le doit par droit Dâl faire, quelque grant qu'il soit, si ce n'estoit le filz do prince qui voulsist servir son père. Mais bien est vray que en la chambre où le vin est apporté par les varletz de chambre, et où l'eschanson n'est point appelle, en ce cas le plus grant prince ou le premier

i. Mot omis dans les précédentes éditions.