Un mot omis dans les éditions précédentes
panniers furent couvers d'une couverture de velours noir, chargée de grosses eampanes d'argent, à bastons et à lettres de mesmes ; et entre les deux panniers avoit assis ung petit sot vestu de velours bleu, à la devise dudit seigneur de Ravestain.
« En celle ordonnance marcha ledit seigneur jusques devant les dames ; et, luy là arrivé, fut sa littiere ouverte par les quatre chevalliers ; et là se mist le chevallier à genoulx, et osta sa barrette; et le chevallier, monté sur la petite mulle, fît pour luy la presentacion aux dames, dont les parolles ou semblables s'ensuyvent :
« Très haulte et très puissante princesse, ma très « redouptée et souverainne dame, [et] vous aultres « nobles princesses, dames et damoiselles, veez cy ung « ancien chevallier qui dez long temps a fréquenté « et exercé les armes, lequel vous faict très humble a reverance. Si est ainsi que par longue vie il est venu « à ses anciens jours, es quelx il se treuve fort débilité « de sa personne, tellement qu'il ne peult plus, ne ne « pourroit les armes suyvre ne porter; et à ceste cause « a desjà longuement delaissié le mestier, et n'estoit « pas desliberé déplus porter armes. Mais toutesvoyes, « pour ce qu'il a sceu ceste grande et solempnelle « feste du noble pas et emprinse du chevallier à l'Arbre « d'or, et la très belle et noble assemblée des dames « d'icelle noble compaignie, il ne s'est peu tenir, pour « sa dernière main, de venir faire son devoir. Si se « présente très humblement par devant vous, très haulte « et très puissante princesse, [et] vous aultres nobles « princesses, dames et damoiselles, et vous requiert « en toute humilité que le vuillez avoir pour recom- « mandé, et avoir son bon vouloir pour aggreable, et m 9
« d'oires en avant le tenir pour excusé, à cause de son « antiquité et debilitacion ; et, ceste emprinse achevée, « il entend de soy rendre et renoncer aux armes, en « demourant tousjours vostre très humble serviteur, « et de toutes dames. »
« Après ce que le chevallier eust présenté monseigneur de Ravestain, il fut respondu par les dames qu'il fust le très bien venu; et alors ledit seigneur1 se remit en son chemin pour faire le tour de la toille ; et vint passer par devant le perron et l'Arbre d'or, où pendoit le blason de ses armes. Si fit le chevallier ung enclinement, et puis se présenta devant les juges ; et là se adgenoillerent les nain et géant jusques à terre, et s'en retournèrent2 au perron, où le nain rataicha le géant à l'Arbre d'or ; et puis se monta le nain sur son perron , à tout sa trompe et son orloge, pour en besoingner selon qu'il en estoit ordonné par les chappitres; et mondit seigneur de Ravestain partit hors de la lice pour soy aller armer par la porte qu'il avoit faict faire, et dont ci dessus est faicte mencion. Ne demoura guieres après que le seigneur de Ravestain vint pour fournir son emprinse ; et avoit les quatre chevalliers qui avoient adextré sa littiere, et deux aultres escuyers vestuz comme devant, ayans harnois de jambes, et leurs chevaulx harnachez de velours bleu, chargez de campannes d'argent; et mondit seigneur de Ravestain venoit après sur son destrier, armé comme il appertenoit, l'escu au col et le heaulme en la teste. Son cheval estoit couvert de velours bleu à
