Planchons ; » piques ou bâtons de défense

chevalliers, et eux toucher au deppartir; et à tant s'en retourna chascun pour celluy jour, car il estoit si tart que plus ne povoient nulz des coureurs courre. Si me passe à tant de plus en escripre pour celle journée ; et fault revenir au grant bancquet qui fut tenu celle nuyct en la grant. salle. Et au regard des salles et des chambres, où des grans seigneurs plusieurs soupperent celluy soir, du service et de la manière, je m'en passe pour abréger, et reviens à Testât qui fut tenu en la salle dessusdicte.

« Premièrement furent les tables dressées en la manière de celles du disner ; mais elles estoient beaucop plus larges, et sur lesdictes tables avoit trante nefz, chascune d'icelles portant le nom de l'une des seigneuries de mondit seigneur de Bourgoingne, dont il y avoit cinq duchiés et quatorze contez ; et le surplus estoient les1 seigneuries2 de Salins, de Malines, d'Arcle et de Bethune, qui sont grandes et nobles seigneuries. Lesdictes naves estoient toutes painctes d'or et d'asur, armoyées chascune des armes de la seigneurie dont elle se nommoit, es bannières et es targons et sur les hunes; dont en chascune nave en y avoit trois, où estoient les bannières de monseigneur de Bourgoingne ; et au plus hault avoit ung grant estendard de soye noir et violet, semé de fusilz d'or, et de grans lettres où estoit le mot de monseigneur : « Je l'ay emprins. » La viande estoit dedans icelles naves, qui faisoient les platz. Les blasons estoient de soye, et tout le cordage doré de fin or. Gens d'armes et maronniers3 estoient