Dont on ne faisoit nulle mention en ce pas

« Pour le tiers et derrenier d'icelluy jour, se présenta monseigneur de Fiennes1, nepveur de monseigneur le conte de Sainct Pol, connestable de France ; et fut son blason mis à l'Arbre d'or comme les aultres, et fut conduict par le nain et par le géant, entretenans l'ordonnance du pas. Il avoit devant luy quatre chevalliers : c'est assavoir monseigneur [Jacques] de Lucembourg2, son oncle, monseigneur deRoussy3, son cousin germain, messire Jehan de Luxembourg4, son frère, et monseigneur le marquis de Ferrare5. Leurs chevaulx estoient harnachez de velours bleu broudé d'orfavrerie, à grosses campannes d'argent; et avoient palletotz de velours noir brodez de lettres, à la devise dudit seigneur de Fiennes ; et y avoit plusieurs aultres nobles hommes et serviteurs, tant à cheval qu'à pied 6, d'icelle parure; mesme le cheval dudit seigneur de Fiennes estoit couvert d'une houssure de velours noir brodée en bordure de fîlz d'or, à sa devise; et sur la cruppe de son cheval avoit une moult riche fleur de brodure, toute de fil d'or. Il y avoit après luy quatre paiges vestuz de robes de velours, moictié tanné, moictié bleu, chargées d'orfavrerie ; et avoient petitz chapperons tannez, broudez de mesmes. Le cheval sur quoy estoit le premier paige estoit housse d'une houssure d'orfavrerie menue, enrichie de campannes d'ar-