Tant à pié comme à cheval

gent. Le second estoit couvert d'armines, à une bordure de drap d'or cramoisy; et le tiers housse d'orfavreric menue, enrichie de campannes dorées moult richement. Le quart, de velours cramoisy bordé d'armines; son pallefrenier, vestu de mesmes les paiges , venoit après , monté sur ung cheval couvert de velours bleu chargé d'orfavrerie. Ledit pallefrenier menoit ung destrier en main, housse et couvert de riche drap d'or cramoisy, et la selle de mesmes.

« En tel estât fit mondit seigneur de Fiennes son tour parmy la lice ; et tantost après se présenta le chevallier à l'Arbre d'or, son cheval couvert d'une riche couverte de drap d'or vert, broudé, par dessus le vert, d'orfavrerie blanche très richement ; et estoit accompaigné des seigneurs et nobles hommes qui avoient couru à l'encontre de luy, comme contenu est par les chappitres. Les deux chevalliers coururent, en celle demy heure, vingt deux courses; et furent rompues, par le chevallier à l'Arbre d'or, unze lances; et ledit seigneur de Fiennes en rompit six. Et après le cor sonné, coururent une course de bourdons, où n'y eust attainte nulle ; et paya ledit seigneur de Fiennes la verge d'or au chevallier gardant le pas, pour avoir le moings rompu. Et à tant pour ce jour se deppartit la feste, et n'a4 chose qui à rementevoir face, jusques au bancquet, qui fut conduict par la manière qui s'ensuyt.

« Pour mieulx tenir forme de bancquet, fut la table qui estoit à la dextre main ostée ; et de l'aultre costé fut la table ralongée, et fait joindre et tenir à la table du prince ; et de l'aultre costé fut mis ung grant buffet