N'y eut

plad, et la vaisselle pour le service dessus ; et fut assis et conduyt comme il s'ensuyt.

« Celluy jour fut le bancquet conduict de vingt quatre platz, moult grans et moult somptueux ; et n'y avoit autre parure sur les tables pour celluy soir ; et assez tost après fut veu au bout de la table, en la salle, ung hourt encourtiné ; et sur ce hourt commencèrent trompettes à sonner, et sur ce fut la courtine tirée. Et là se commencèrent à monstrer les figures des douze travaulx d'Hercules, dont le premier s'ensuyt.

« Premièrement fut veu Hercules en son bers, et sa norrice qui luy donnoit la mamelle ; et au plus près, le bers de son frère jumeau ; et sa norrice, qui le levoit1 et portoit chauffer au feu, lui donnoit le tetin et le emmaillottoit ; et faisoit manière de norrice à enffans ; et après le remist en son bers, et commença à bercer et le rendormir, et pareillement celle de Hercules ; et ainsi s'endormirent les enffans, et les nourrices pareillement. Et tantost après entrèrent dedans ladicte salle deux serpens si bien fais, quechascun disoit que l'on ne les sçauroit amander. Ces deux serpens vindrent premier au bers du frère d'Hercules, et le prindrent et le dévorèrent, et puis vindrent au bers de Hercules, pour faire le semblable ; mais Hercules de force rompit ses liens, et se combatit ausdits serpens de coups de poings, de telle vigueur qu'il les occist. Et fut la contenance si bien tenue, tant des serpens comme de Hercules, que ce sembloit chose vive, sans mistaire. Et ainsi s'esveillerent les deux norrices, et firent ung grant cry. Et sur ce point fut la courtine