Jumeaux

à Hercules ; et dura moult longuement la bataille entre eulx deux. Mais, en fin de compte, Hercules desembastonna ledit Philotès de tous ses bastons, et se rendit à luy à genoux, et Hercules le print à mercy. Et porte l'histoire que le Roi 1 Philotès demeura serf de Hercules à sa vie. Philotès desconfit, Theseus ramena le naviere ; et là Hercules print des moutons à son plaisir, et les mist audit naviere, et fit entrer Philotès dedans, et puis rentra, etremist son naviere en chemin. Et sur ce point fut la courtine retirée, et remis contre la courtine ung billet contenant ainsi :

Hercules, pour mener en Grèce le premier

Les moutons et leur laine, comme bon chevallier,

Desconfit ung géant moult cruel et moult fier,

Et le Roy Philotès, dont il fit souldoyer.

Bien devoit Hercules estre amé par nature,

Quant pour enrichir Grèce emprint telle adventure.

Là monstra il aux princes, par raison et droicture,

Qu'ilz doibvent corps et vaine estendre sans murmure,

Et emploier le temps par travail, sans lassure,

Pour le publicque bien, lequel ilz ont en cure.

« Pour la troiziesme fois, au son des trompettes, fut la courtine tirée, et là fut veu ung navire encré, dedans lequel avoit une pucelle richement vestue et habillée, et tenoit manière de soy rendre à la miséricorde des Dieux. Et tantost fut reveu Hercules, Theseus et le Roy Philotès, avecques leurs moutons, qui vaucroient en mer comme si ilz alloient en Grèce ; et quant ilz approuvèrent de la pucelle, elle leur monstroit qu'ilz n'approuchassent point. Et toutefois Hercules tira celle part, et tint manière de parlementer à la damoiselle ;