Ledict

et quant il eust parlementé à elle, il entra dedans son bateau, et print son escu et sa massue, et Theseus et Philotès reculèrent leur naviere. Et lors ne demoura grandement que ung monstre de mer, de merveilleuse façon, vint pour dévorer la pucelle, laquelle de peur tomba toute pasmée. Mais Hercules frappoit de sa massue sur la teste dudit monstre, et le monstre luy couroit sus moult asprement; et, fin de compte, tant ferit Hercules de sa massue, qu'il occit ledit monstre. Et tantost revindrent Theseus et Philotès à tout leur naviere, qui actacherent ledit monstre à une corde, et le ammenerent traignant à leur bateau ; et Hercules desancra le naviere de la pucelle, et s'en vint après. Et sur ce point fut la courtine retirée, et remis1 le rolet qui s'ensuyt :

Hercules conquesta de l'honneur grant monjoye D'occire le fier monstre qui vouloil faire proye De Zionna2 la belle, fille au grant Roy de Troye; Et mist le peuple à paix, à repoz et à joye. 0 nobles chevaliers, ô Loute gentilesse, Prenez ycy exemple ! Hercules vous en presse. Pour garantir les dames, monstrez votre3 hardiesse, Faictes vous detrancher pour honneste prouesse ; Deffendez leur honneur, car n'ont autre richesse. Qui autrement le fait, il ofîence noblesse.

« Pour la quatriesme et derreniere fois d'iceluy jour, après le son des trompettes fut la courtine retirée, et là fut veu Hercules soy proumenant avecques Philotès. Et y avoit ung païsant sur ung arbre, faisant manière que ledit Hercules ne Philotès n'approu-