Grand

chassent; mais Hercules tira celle part; et quant il entendit que la place estoit dangereuse, il fît monter Philotès sur l'arbre, avecques le païsant. Et tantost vindrent trois lyons qui partirent d'une montaigne, qui coururent sus à Hercules moult fièrement ; et Hercules se deffendit de moult bonne façon. Mais lesdits lyons le pressoient1 moult fort ; et tant dura la bataille, que Hercules les occist tous trois l'ung après l'aultre. Et descendirent ledit Philotès et le païsant pour ayder à escorcher lesdits. lyons. Et sur ce point fut la courtine retirée, et remis le rollet tel qu'il s'ensuyt :

Hercules se trouva assailly des lyons ;

Trois en occit en l'heure, ainsi que nous trouvons.

Fier et fort se monstra sur tous les mortels hommes.

Plus trouvons ces faiz grans, plus avant les lisons.

Les trois lyons terribles par Hercules vaincuz,

C'est le monde, la chair, et le diable de plus.

L'ung souffle, l'aultre atise, le tiers nous 2 rend abus.

Maintz hommes ont deceuz, dévorez et perduz.

Or soyons bataillans de glaives de vertuz,

A ce que de noz âmes Dieu ne face reffuz.

« Assez tost après entra parmy la salle ung griffon moult grant et moult bien fait. Ledit griffon remuoit les eslles et la teste, comme se il fust en vie ; et estoient les plumes toutes d'or et d'azur ; et le derrière du griffon si bien et parfaictement faict, qu'il sembloit en vie. La croppe du griffon estoit couverte d'une couverte de soye blanche et bleue, semée des lettres de monseigneur le duc et de madame ; et entretant que ledit