Pressèrent

2. Mot supprimé dans les éditions précédentes qui donnent ainsi l'hémistiche : « Et le tiers rend abus. »

griffon marchoit parmy la salle, il ouvrit le bec, dont saillirent plusieurs oiseaulx en vye qui s'envouloient par dessus les tables ; et ainsi, à sons de trompes et de clairons, fist ledit griffon son tour parmy la salle, et s'en retourna par où il estoit venu ; et sur ce point furent ostées les tables, et la dance commença ; ne plus n'y eut celluy jour que à ramentevoir face.

« Le mardy ensuivant fut le disné, en diverses salles et chambres, richement servy, et, après le disner, mondit seigneur et les dames allèrent sur les rens pour veoir les joustes ; et le premier qui se présenta pour celluy jour fut messire Jehan de Luxembourg, frère de monseigneur de Fiennes, et nepveur de monseigneur de Sainct Pol, connestable de France. Il estoit accompaigné de plusieurs notables personnaiges, tant ses parens comme autres. Son cheval estoit couvert d'une couverture d'orfavrerie dorée très belle. Il a voit cinq paiges après luy, richement et gentement habillez ; dont le premier cheval * sur quoy lesdits paiges estoyent montez estoit couvert de velours cramoisy, à une grant bordure de drap d'argent bleu. La seconde fut de drap damas bleu, [à] une bordure d'orfavrerie blanche, à gros tronchons, en manière de bastons d'argent, à grosses campannes de mesmes. Le tiers cheval estoit couvert de velours noir, à grans lettres de brodure de fil d'or, à sa devise. Le quart estoit couvert de bonnes martres, le poil dehors ; et le cinquiesme de drap d'or cramoisy.

« Si tost que ledit messire Jehan de Lucembourg eust fait le tour accoustumé, saillit le chevallier à