Fournis

2. « Pyrithous » et do même plus loin. Correction de Sauvage qui entend se conformer ainsi « aux ancien? fabulateurs. »

armez de toutes armes, et tenoit manière Theseus de soy plaindre à Protheus, son compaignon, de Pluto, qui avoit ravy Proserpine, son amye, et icelle menée en enfer ; et Protheus tenoit manière de luy promectre de l'en venger et la ravoir; et sur ses promesses vindrent, les glaives au poing, à la porte d'enfer, qui estoit moult bien faicte.

« Geste porte estoit à manière d'une grant gorge de dragon noyre et flamboyant, en manière de flambe ardant, aiant deux grans yeulx rendans merveilleuse clairté ; et quant Protheus heurta de sa lance contre ladicte gorge, incontinent s'ouvrit et en saillit ung grant chien noir tout difforme, et ayant trois testes, à tout un glaive noir en ses pattes. Ce chien estoit appelle Gerberus, le portier d'enfer ; et tantost courut sus aux deux champions, et fut longue la bataille entre eulx ; mais en fin le chien tua Protheus et mena Theseus à telle nécessité que à peine se pouvoit plus soubstenir ne deffendre ; mais Hercules y survint par bonne adventure, et si commença la bataille à l'encontre de Gerberus, et se retrahit Theseus pour guarir et faire medeciner ses plaies. Mais Gerberus assailloit Hercules de merveilleuse force, et Hercules luy livroit merveilleuse bataille ; et, pour abréger ceste matière, Hercules abatit le chien par terre et luy vouloit coupper la teste, quand Theseus se vint adgenoiller devant Hercules et luy pria qu'il luy livrast ledit Gerberus. Hercules le fit, et Theseus le print et actaicha d'une chaisne ; et puis s'en alla Hercules à la porte d'enfer, l'espée au poing, et là trouva grant résistance de feu et de fumée ; mais, ce nonobstant, il entra dedans ; et là fut ouye une grant voix et noise, comme il se

combattoit aux infernaulx ; mais ne demoura guieres que celle noise lut appaisée, et ramena devant soy la belle Proserpine richement vestue et atournée; et quant Hercules fut comme au milieu du hourt, print ladicte Proserpine en une main, son espée en l'aultre; et la courtine fut retirée, et mis le brevet dehors, tel qu'il estoit accoustumé, dont la teneur s'ensuyt :

Hercules entreprit voye moult dangereuse

Quant alla en enfer, l'abisme périlleuse.

Gerberus combatit à la porte doubteuse,

Et reprint Proserpine, la belle et la joyeuse.

Gerberus signiffie pechié, le desvoiable,

Qui garde des enfers le gouffre redoutable.

Or soyons Hercules, le vaillant et louable.

Gombatons Gerberus par vertu honnorable ;

Soyons à Proserpine secourans et aidable,

C'est de tirer noz âmes hors de tout vice dampnable K

« Ainsy se continua le bancquet de manger et faire bonne chiere; et tantost après sonnèrent les trompettes, et furent les courtines du hourt retirées : et là furent veues deux damoiselles amasonnes à cheval, richement armées, et leurs espées scinctes, et leurs chevaulx couvers richement. Leurs chiefz estoient parez de leurs cheveulx, blondz et beaulx, moult noblement, et portoient chappeaux de violettes pardessus ; et derrière elles avoient femmes à pied, en manière de sacquemans2, armées et embastonnées pour combatre et deffendre , dont les unes portoient les bacinetz , les escuz et les glaives desdictes damoiselles ; et en ceste ordonnance firent ung tour ou deux parmy le hourt.

1. « Portons à Proserpine un bon secours aidable, « Nostre ame retirans hors de vice damnable. »