Pour menace, ou pour braire
2. Sauvage a corrigé ainsi cette phrase : « Le vendredy suyvant fut faict , et très richement servi, le disner, es chambres et
es salles, mais, assez tard. »
que monseigneur d'Escalles debvoit celluy jour courir, monseigneur le bastard de Bourgoingne, qui gardoit le pas, considérant qu'ilz estoient frères d'armes et qu'ilz avoient combatu en lices l'ung contre l'aultre, ne voulut point courre à l'encontre de luy ; mais fit mectre monseigneur Adolf de Gleves en sa place, pour garder le pas pour celle fois.
« Ainsi arriva le premier sur les rens monseigneur le conte d'Escalles, frère de la Royne d'Angleterre ; et estoit accompaigné de la plus grant noblesse qui là fust, comme de ceulx de Sainct Pol, ses parens, et moult d'aultres chevalliers et gentilzhommes , tant angloix comme bourguignons, et mesmes de monseigneur le bastard de Bourgoingne, son frère d'armes, monté sur ung petit cheval, à tout une robe longue d'orfavrerie chargée ; et en icelluy point accompaigna mondit seigneur d'Escalles. Le cheval dudit seigneur d'Escalles estoit couvert de drap d'or, mesparty de cramoisy et de bleu. Il avoit six paiges après luy, vestuz de mantelines de satin vert figuré. Le cheval que chevauchoit le premier paige estoit couvert d'une courte houssure de velours noir, et pardevant à poictrail et à resnes ; et estoit chargé de campannes d'argent à façon d'ancolies. Le second estoit couvert de drap d'or cramoisy, à une bordure de velours noir brodée. Le troiziesme estoit couvert d'une couverture de velours sandre. Le quatriesme estoit couvert d'ung drap d'or dehaché, à façon de brodure, à lettres d'or pardessus, où tenoient campannes d'argent. Le cinquiesme estoit couvert de pourpre en velours, à une bordure esdentée de drap d'argent, et sur ledit pourpre avoit brodure de deux EE accoliez ensemble. Le sixiesme
estoit couvert de drap d'argent et de velours cramoisy esdenté, et estoit semé de grosses campannes d'argent. Le septiesme estoit mené en main, et estoit couvert de velours bleu, à deux faces d'armines chargées de grosses poires d'argent ; et estoit celle couverte bordée de damas violet, brodée de deux EE à sa devise ; et certes le chevalier estoit bel homme d'armes, et bien seoit sur son cheval.
« Pour les causes que j'ay devant dictes se présenta monseigneur Adolf de Gleves, seigneur de Ravestain, à l'encontre du chevallier angloix, son cheval couvert d'une riche couverte d'orfavrerie d'or et d'argent, à manière de figures, sur velours cramoisy; et, à la vérité, celle demye heure fut bien joustée et employée, car le chevallier angloix rompit unze lances ; mais ii perdit la verge d'or, pour ce que mondit seigneur de Ravestain en rompit dix sept, franchement rompues ; et n'est pas à oublier le meschief qui advint à celle heure et jouste ; car mondit seigneur le bastard de Bourgoingne eut ung grant cop de pied de cheval au dessus du genoil, dont il fut très griesvement blessé et en très grant dangier, s'il n'eut esté bien secouru par [bons] cirurgiens; et par cest empeschement ne peut fournir son emprinse, mais, tout blessé qu'il estoit, fit maintenir et garder le pas, à ses despens, de houssures et de toutes aultres choses, comme il avoit encommencé ; et ne courut homme pour la garde dudit pas, ne mondit seigneur de Ravestain, ny autre, qu'il ne courust, es couvertes et pareures, à la despense de mondit seigneur le bastard, qui fut grande et coustable1, comme chascun peut ligierement veoir. Mais
\. « Chose. »
à tant se taist le compte de ceste matière ; et reviens à la fourniture du pas, et comment il fut entresuy.
« Le second qui se présenta pour celluy jour fut monseigneur le conte de Roussy, filz de monseigneur le conte de Sainct Pol, connestable de France. Il avoit devant luy trompettes et clairons à grant foison, et officiers d'armes qui le accompaignoient ; et celluy qui venoit droit devant luy estoit ung petit nain de Gonstantinople, serviteur du Roy d'Angleterre, que madame de Rourgoingne avoit admené avecques elle pour veoir la feste. Gestuy nain estoit monté sur ung petit cheval, et vestu d'une robe de velours noir à une bande blanche, et portoit en sa main dextre ung papier, en manière d'une requeste ; et en son bras, attachée à ung lacet, une clef, qui servoit au mistere qui s'ensuyt.
« Après venoit ung grant chasteau, richement paré et estoffé. Icelluy chasteau estoit faict à quatre tours et à quatre pans de murailles, et à une grant porte qui se pouvoit fermer et ouvrir ; et là dedans estoit monseigneur de Roussy sur son cheval, armé de toutes armes. Il avoit après luy six chevaulx de parure. Le premier estoit couvert de velours noir chargé, moult espez, de campannes d'argent en manière de poires. Le second, de satin cramoisy, à grans fuillages en brodures d'or, et gros boutons de mesmes, dont la parure de la fleur estoit argentée, et estoit celle houssure frangée de franges noyres. Le troiziesme estoit de brodure semée et massonnée d'or et d'argent, et par dessus semée de larmes d'argent de brodure ; et la brodure d'icelle estoit entassée d'or très richement ; et pour enrichir la massonnerie, y avoit grans violiers de romarins, vermeilz et blancz, à grans lettres de sa
devise parmy ; et certes la couverture me sembla très riche. La quatriesme couverte estoit chargée d'orfavrerie blanche ; la cinquiesme, de brodure, à grans fuillages d'or, avecques lettres meslées et semées de larmes d'argent ; et fut la cinquiesme couverte de satin noir, brodée en lettres grecques de brodure. La sixiesme estoit de drap d'or cramoisy, frangée de franges noyres; et n'est pas à oublier que tous ses paiges furent habillez de mantelines, chascun à la parure de la houssure.
« Et pour vous donner à entendre le mistere du nain, de sa requeste et de sa clef, il sembloit qu'il tinst le chevalier prisonnier par le commandement d'aucune dame, et qu'il desirast sa délivrance ; et à ceste fin, quant le chastel fut au devant des dames, se partit le nain, et alla devers les dames présenter sa requeste, qui disoit ainsi :
« Excellantes, haultes et nobles princesses, dames « et damoiselles, le chevallier, prisonnier de sa dame, « vous fait très humble reverance. Son cas est tel que « Dangier tient la clef de ceste prison, et l'a mis es « mains de Petit Espoir, son serviteur ; et n'en sera « jamais tiré ne délivré, si ce n'est par la bonté et pitié « de vous. Pourquoy supplie ledit chevallier prison- « nier, à vous, très excellentes, très haultes et très « puissantes princesses, dames et damoiselles, qu'il « vous plaise, de vostre grâce, assembler vostre très « noble et très vertueux colliege féminin, car entre « plusieurs s'en pourra trouver la voix d'une, et telle « que Dangier ne vouldroit ne pourroit luy faire reffuz « de la délivrance du chevallier, à celle fin qu'il soit « commandé à Petit Espoir, qui le meine, qu'il le def-
« ferme et délivre de ceste prison tant, douloureuse, « car autrement, s'il n'estoit à son délivre, il ne pour- « roit courre à cestuy noble pas, ne achever ne four- « nir l'adventure de l'Arbre d'or, ce qu'il désire de « tout son cueur, et de demourer très humble servi- « teur de vous et de toutes nobles dames. »
« Après la requeste ouye par les dames, le congié fut donné de desprisonner le chevallier ; et vint le nain à tout sa clef, et en ouvrit la porte ; et saillit ledit chevallier dehors, armé de toutes armes, son cheval couvert de satin blanc, brodé de grandes lettres d'or à sa devise, et son escu estoit de mesmes ; et en tel estât et ordonnance vint prandre le bout de la lice.
« A l'encontre de luy se présenta Charles de Visan, gardant l'Arbre d'or pour celluy jour, en l'absence de monseigneur le bastard. Son cheval estoit couvert de satin blanc, semé et brodé d'arbres d'or ; et coururent leur demye heure ; mais monseigneur de Roussy gaigna la verge d'or, car il rompit huict lances, et ledit Charles n'en rompit pas tant.
« Le troisiesme qui se présenta pour celluy jour fut Roskin de Rochefay1, premier escuyer d'escuyerie de monseigneur le duc de Bourgoingne. Il avoit devant luy deux chevalliers de la Thoison, c'est à sçavoir monseigneur d' Auxy et messire Philippe de Crevecueur, et deux aultres escuyers. Hz estoient habillez de palletotz d'orfavrerie à sa devise, et pareillement ceulx qui le servoient à pied. Son cheval estoit couvert d'une couverte de velours vert, brodée de blanche orfavrerie, à grandes lettres à sa devise, très richement.
« A l'encontre de luy se présenta ledit Charles de
